32. (1700). fundur
32. (1700). fundur
Bæjarráð Garðabæjar
í fundarsal bæjarráðs í Ráðhúsi Garðabæjar við Garðatorg
25.08.2015
Kl. 08:00 - 08:35
Um fundinn
Nefndarmenn
- Áslaug Hulda Jónsdóttir - formaður
- Sigurður Guðmundsson - aðalmaður
- Sturla D Þorsteinsson - aðalmaður
- María Grétarsdóttir - aðalmaður
- Guðrún Elín Herbertsdóttir - varamaður
- Steinþór Einarsson - áheyrnarfulltrúi
Starfsmenn
- Gunnar Einarsson - bæjarstjóri
- Guðjón Erling Friðriksson - bæjarritari
- Eysteinn Haraldsson - bæjarverkfræðingur
- Margrét Björk Svavarsdóttir - forstöðumaður fræðslu- og menningarsviðs
- Bergljót K Sigurbjörnsdóttir - félagsmálastjóri
Ritari
- Guðjón Erling Friðriksson,
Dagskrá
Málsnúmer 1308333
01
Bréf húsfélagsins við Sautjándajúnítorg 5 og 7 varðandi tímabundið leyfi á merkingu bílastæða, dags. 14.08.15.
Bæjarráð felur bæjarstjóra að ræða við bréfritara.
Fylgiskjöl
Málsnúmer 1508248
02
Bréf Sambands íslenskra sveitarfélaga varðandi landsfund jafnréttisnefnda sveitarfélaga, dags. 20.08.15.
Málsnúmer 1303894
03
Tillaga um lokun gamla Álftanesvegar.
Bæjarráð samþykkir tillögu um lokun „Gamla Álftanesvegar“ en vísar tillögunni til nánari útfærslu bæjarstjóra vegna aksturs strætó.
María Grétarsdóttir situr hjá.
Guðrún Elín Herbertsdóttir, leggur fram eftirfarandi tillögu.
„Björt framtíð leggur til að Garðabær ráðist hið fyrsta í viðhald/endurnýjun á Garðavegi sem liggur framhjá íbúðabyggð á Garðaholti og inn í Hafnarfjörð.“
Greinagerð:
Um leið og nýr og verulega endurbættur Álftanesvegur er nú tekinn í notkun, þá stórsér á Garðavegi sem liggur framhjá íbúðabyggð á Garðaholti og inn í Hafnarfjörð. Skemmdir á veginum má að miklu leyti rekja til þess þegar vegurinn var notaður sem hjáleið vegna framkvæmda við nýjan Álftanesveg. Verulega hefur brotnað upp úr malbikinu, sérstaklega til hliðar, svo að á sumum köflum er ekki möguleiki fyrir tvo bíla úr gangstæðri átt að mætast. Fyrir utan augljósa slysahættu þá getur einnig mikið tjón hlotist af hugsanlegum skemmdum og bílaeigendur geta þá átt kröfu á Garðabæ um að bæta það tjón.
Bæjarráð samþykkir að vísa tillögunni til frekari skoðunar við afgreiðslu fjárhagsáætlunar.
Fylgiskjöl
Málsnúmer 1508255
04
Bréf Barnaheilla um gjaldfrjálsan grunnskóla, dags. 20.08.15.
Lagt fram og vísað til kynningar í skólanefnd.
Fylgiskjöl
Málsnúmer 1508278
05
Minnisblað skóladeildar um skólamat.
Lagt fram minnisblað skóladeildar varðandi niðurgreiðslu skólamats og framlengingu samnings.
Bæjarráð samþykkir tillögu skóladeildar um að framlengja samning við Skólamat ehf. frá 25. ágúst til 30. júní 2016.
Bæjarráð samþykkir að leggja til við bæjarstjórn að hækka gjaldskrá skólamáltíða um 5%. Guðrún Elín Herbertsdóttir greiðir atkvæði gegn hækkun á gjaldskrá.
Fylgiskjöl
Málsnúmer 1508080
06
Skýrsla umhverfisstjóra um sumarvinnu ungs fólks 2015.
Bæjarráð lýsir ánægju með greinargóða skýrslu umhverfisstjóra sem sýnir hversu fjölbreytt og mikilvæg störf ungt fólk kemur að yfir sumarmánuðina við hreinsun og umhirðu í bæjarlandinu.
Bæjarráð vísar ábendingum í skýrslunni til frekari skoðunar við undirbúning sumarstarfa ungmenna á árinu 2016.
Fylgiskjöl
Málsnúmer 1508292
07
Bréf Bjartrar framtíðar um tillögur á verklagi við fjárhagsáætlun og kynjaða hagstjórn. dags. 20.08.15.
Bæjarráð samþykkir að fela bæjarstjóra að undirbúa innleiðingu á kynjaðri hagstjórn og fjárhagsáætlunargerð. Áætlun um innleiðingarferli skal lögð fram samhliða framlagningu á helstu forsendum, markmiðum og römmum fjárhagsáætlunar 2016. (2016-2019).
Fylgiskjöl
Málsnúmer 1508293
08
Bréf Bjartrar framtíðar um móttöku flóttamanna, dags. 21.08.15.
Bæjarráð lýsir yfir áhuga á málinu og felur bæjarstjóra að ræða við félagsmálaráherra um hugsanlegan stuðning bæjarins við móttöku flóttamanna.