37. (2138). fundur

Bæjarráð samþykkir afgreiðslu byggingarfulltrúa að veita Heimi Óla Heimissyni, kt. 270590-3149, leyfi til að byggja tvílyft einbýlishús með innbyggðum bílskúr að Stekkholti 14.

Bæjarstjóri kynnti erindi sem sent hefur verið til fjármála- og efnahagsráðherra, forsætisráðherra og heilbrigðisráðherra. Þar er óskað eftir samráði við Garðabæ um framtíð og skipulag Vífilsstaðasvæðisins, þ.m.t. um framtíðarnýtingu fasteigna að Vífilsstöðum sem eru í eigu ríkisins.

Bæjarráð felur bæjarstjóra að fylgja erindinu eftir, þ.m.t. með fundum með þeim ráðherrum sem erindinu er beint að.

Drög að reglum Garðabæjar um stuðningsfjölskyldur við fjölskyldur fatlaðra barna, lögð fram.

Bæjarráð vísar drögunum til velferðarráðs og til umsagnar hjá samráðshópi um málefni fatlaðs fólks.

Lagt fram bréf heilbrigðiseftirlitsins varðandi starfs- og fjárhagsáætlun fyrir árið 2025 ásamt tillögum að gjaldskrám. Áætlað framlag Garðabæjar er kr. 19.693.055. Bæjarráð vísar bréfinu til afgreiðslu fjárhagsáætlunar fyrir árið 2025 og gjaldskrám heilbrigðiseftirlits til afgreiðslu bæjarstjórnar.

Í bréfinu kemur fram samþykkt stjórnar Úrvinnslusjóðs að greiða til sveitarfélaga í hlutfalli við íbúafjölda hvers veitarfélags fyrir árin 2023 og 2024, en greiðslan nemur 262 kr/kg. Hlutfall Garðabæjar er kr. 2.500.528.

Forsenda greiðslna er að Garðabær leggi fram staðfestingu á ráðstöfun fjár til hreinsunar á víðavangi og hreinsunar á ruslabiðum. Skila þarf inn gögnum til Úrvinnslusjóðs fyrir 31. desember 2024. Jafnframt er óskað eftir ítarlegri upplýsingum, liggi þær fyrir, varðandi magn úrgangs sem safnaðist úr hreinsun á víðavangi og ruslabiðum á vegum sveitarfélagsins ásamt upplýsingum um kostnað vegna hreinsunar fyrir framangreind ár.

Bæjarráð vísar erindinu til umhverfissviðs.

Í bréfinu kemur fram beiðni um að nefna íþróttahúsið á Álftanesi heiti Kaldalóns, fasteignafélags sem er styrktaraðili körfuknattleiksdeildar UMF Álftaness.

Bæjarráð tekur jákvætt í erindið og felur bæjarstjóra útfærslu málsins í samráði við fulltrúa UMF Álftaness.

Lagt var fram til kynningar upplýsingar um síðari úthlutun Þróunarsjóðs grunnskóla 2024. Að þessu sinni bárust 11 umsóknir.

Bæjarráð samþykkir tillögu skólanefndar grunnskóla að úthlutað verði nú kr. 13.428.000.-

Lögð fram drög að samstarfssamningi um þjónustu Samhjálpar við heimilislausa einstaklinga með miklar og flóknar þjónustuþarfir. Gert er ráð fyrir að fjárframlag Garðabæjar sverði kr. 978.238, sem er 7,83% af heildarfjárhæð samningsins.

Bæjarráð samþykkir fyrirliggjandi samningsdrög, með fyrirvara um að aðrir samningsaðilar geri slíkt hið sama. Málinu er vísað til velferðarsviðs til frágangs.

Lagt fram bréf Félags eldri borgara í Garðabæ dags. 24. september 2024, þar sem fram kemur að Anna R. Möller, formaður félagsins, hafi verið tilnefnd f.h. félagsins sem aðalmaður í Öldungaráð.