16. fundur

Erindi Hjallastefnunnar um flutning á starfsdegi fyrir leikskólann Ása,Litlu Ása og leikskóladeild Barnaskóla Hjallastefnu samþykkt með fyrirvara um víðtækt samráð við foreldra. Óskar nefndin eftir upplýsingum um hvernig staðið er að samráði.

Erindi Hæðarbóls um flutning á starfsdögum

Erindi Hæðarbóls um flutning á starfsdegi samþykkt með fyrirvara um víðtækt samráð við foreldra. Óskar nefndin eftir upplýsingum um hvernig staðið er að samráði.

Erindi skólastjóra Flataskóla um stofnun leikskóladeildar fyrir 5 ára börn

Leikskólanefnd fagnar aukinni fjölbreytni í skólastarfi fyrir leikskólabörn í Garðabæ. Nefndin samþykkir leikskóladeild fyrir 5 ára í Flataskóla enda verði stefnt að því að í Flataskóla verði samrekstur leik- og grunnskóla, þ.e. fyrir börn á aldrinum 18 mánaða til 7. bekkjar. Huga þurfi að þarfagreiningu á húsnæði og lóð fyrir yngri börn.

Endurnýjun á leyfi til daggæslu eins barns

Ragnheiður Friðjónsdóttir kt. 280444-2279 fær endurnýjun á leyfi til gæslu eins barns til eins árs.

Erindi vísað frá bæjarráði dags 12. júní 2012

Þjóðarsáttmáli um baráttu gegn einelti kynntur og ræddur.

Erindi Hjallastefnu um hækkun á framlagi

Erindi Hjallastefnu rætt. Leikskólanefnd mælir með því að við gerð fjárhagsáætlunar fyrir árið 2013 verði endurnýjaðar viðmiðunarreglur Sambands íslenskra sveitarfélaga vegna leikskóladvalar utan lögheimilissveitarfélags hafðar til hliðsjónar.

Lokaskýrsla send frá bæjarráði til umfjöllunar nefndarinnar um áframhald verkefnisins

Leikskólanefnd telur um þarft verkefni að ræða og mikilvægt að halda því áfram.

Katrín S. Einarsdóttir fulltrúi leikskólastjóra lætur nú af störfum sem fulltrúi þeirra eftir 6 ára setu. Varamaður hennar Kristín Sigurbergsdóttir leikskólastjóri tekur við. Katrínu eru þökkuð vel unnin störf.