3. fundur

Lúðvík Hjalti Jónsson, fjármálastjóri kynnti vinnuferla við gerð fjárhagsáætlunar, stöðu vinnunnar og næstu skref.

Ólöf Breiðfjörð, menningarfulltrúi Garðabæjar sagði frá menningarviðburðum sem nemendum í skólum bæjarins verður boðið upp á, skólaárið 2022-2023. Leikskólanefndin lýsir ánægju sinni með metnaðarfulla dagskrá.

Starfsáætlanir leikskóla lagðar fram til kynningar og umræðu.

Farið yfir Menntadaginn 2022 sem haldinn var í Hofsstaðaskóla fyrir starfsfólk leik- og grunnskóla og frístundaheimila. Starfsfólki skólanna gafst kostur á að taka þátt í 20 málstofum þar sem kynntar voru helstu niðurstöður þeirra verkefna sem hlotið hafa styrk m.a. úr þróunarsjóði undanfarin ár.

Farið var yfir forvarnarvikuna í Garðabæ sem haldin var 5.-12. október. Unnið var með hugtökin farsæld, foreldrahlutverk og samvera. Leikskólanefnd lýsir ánægju sinni með fjölbreytt og áhugaverð verkefni vikunnar.