20. fundur

Leikskólanefnd var upplýst um stöðu á leikskólum með tilliti til tillagna Velferðarvaktarinnar.

Umræður voru um styttingu vinnuvikunnar, áhrif hennar á lengd dvalartíma hjá börnum og opnunartíma leikskóla. Leikskólanefnd leggur til við bæjarstjórn að skoða opnunartíma leikskóla og dvalartíma barna með tilliti til þess að stytta seldan tíma.

Rætt var um öryggisúttektir á lóðum leikskóla og eftirfylgd með þeim. Sviðsstjóra og leikskólafulltrúa var falið að kanna hve oft reglubundnar úttektir ættu sér stað og upplýsa um það á næsta fundi nefndarinnar.

Leikskólanefnd var upplýst um undirbúning að endurgerð menntastefnu og tímalínuna sem verkefninu er gefin.

Formaður leikskólanefndar greindi frá undirbúningsvinnu vegna byggingar nýs leikskóla í Urriðaholti.

Leikskólafulltrúi veitti upplýsingar um breytingar á rekstrarumhverfi Urriðaholtsskóla næsta skólaár þar sem mikil fjölgun verður á börnum á leikskólastigi og nýr leikskóli ekki komin í notkun.