1. fundur

Formaður setti fundinn og bauð fundarmenn velkomna. Í framhaldi fór hann yfir starfshætti nefnda Garðabæjar, hlutverk þeirra, réttindi og skyldur nefndarmanna. Jafnframt gerði hann grein fyrir sögu leikskólastarfs í Garðabæ, hlutverki leikskólanefndar og stöðu hennar innan stjórnskipunar bæjarins. Fram kom í máli formanns að nefndin á rætur að rekja til ársins 1962, þegar æskulýðs- og leikvallanefnd Garðahrepps var stofnuð.

Leikskólafulltrúi fór því næst yfir helstu verkefni leikskólanefndar og gerði grein fyrir störfum hennar á liðnu kjörtímabili. Sérstaklega var fjallað um þær umbætur sem ráðist hefur verið í á starfsumhverfi og starfsemi leikskóla í Garðabæ. Sautján leikskólar eru starfandi í bænum og fyrirséð er að þeim muni fjölga samhliða áframhaldandi uppbyggingu nýrra hverfa.

Leikskólafulltrúi gerði einnig grein fyrir stöðu innritunar. Öllum börnum sem fædd eru í október 2025 eða fyrr hefur verið boðin leikskólavist og innritun gengur vel. Í maí 2026 eru 1.490 börn í leikskólum Garðabæjar.

Lögð var fram tillaga að starfsáætlun leikskólanefndar fyrir starfsárið 2026?2027. Tillagan var samþykkt með hefðbundnum fyrirvara.

Samkvæmt starfsáætluninni er gert ráð fyrir að nefndin fundi að jafnaði annan miðvikudag hvers mánaðar kl. 8:00.