Tillaga Garðabæjarlistans um bættar samgöngur í Urriðaholti.

Sara Dögg Svanhildardóttir, kvaddi sér hljóðs og lagði fram eftirfarandi tillögu.

"Bæjarstjórn samþykkir að fara í aðgerðir til að bæta samgöngur í Urriðaholti þannig að almenningssamgöngur séu greiðar í og um hverfið sem og til og frá Urriðaholtsskóla."

Greinargerð
Urriðaholt er nýtt og vaxandi hverfi þar sem nú þegar er risinn skóli og starfsemi hans komin á fullt og því börn og ungmenni stór hluti íbúa hverfisins. Mikilvægt er að lögð sé rík áhersla á góðar almenningssamgöngur um hverfið þar sem fjarlægð í mikilvæga nærþjónustu er ekki í svokölluðu göngufæri. Börn og ungmenni þurfa að komast auðveldlega leiða sinna í og úr tómstundum og íþróttum sem enn sem komið er er sótt utan hverfis og yfir miklar umferðagötur.
Við í Garðabæjarlistanum teljum mjög brýnt að hraða málum og tryggja almenningssamgöngurnar. Ekki síður til að tryggja að Urriðaholtsskóli sem er framsækinn, faglegur og spennandi valkostur fyrir starfsfólk geti tryggt sér það fagfólk sem sýnir starfsumhverfinu áhuga en kýs að nýta sér almenningssamgöngur í og úr vinnu.

Björg Fenger, ræddi framkomna tillögu sagði frá vinnuferli við gerð breytinga á leiðakerfi Strætó.

Sara Dögg Svanhildardóttir, ræddi framkomna tillögu.

Gunnar Einarsson, ræddi framkomna tillögu og lagði til að henni verði vísað til skoðunar við afgreiðslu fjárhagsáætlunar.

Bæjarstjórn samþykkir að vísa framkominni tillögu til afgreiðslu fjárhagsáætlunar