Fyrirspurn Garðabæjarlistans um að lögð verði fram kostnaðargreining á þjónustu hjá leikskólum Garðabæjar.

Harpa Þorsteinsdóttir, kvaddi sér hljóðs og lagði fram eftirfarandi fyrirspurn.

"Á fundi leikskólanefndar í janúar á þessu ári lögðu fulltrúar Garðabæjarlistans fram bókun og fyrirspurn þar sem spurt var hvort hægt væri að fá lagða fram kostnaðargreiningu á þjónustu hjá leikskólum Garðabæjar en meirihluti hefur talað fyrir því að há leikskólagjöld stafi af betri þjónustustigi en hjá nágrannasveitarfélögum og er þá vísað í sumaropnum, inntöku ungra barna og menntaðs starfsfólks.
Þeirri fyrirspurn hefur ekki verið svarað í leikskólanefnd því legg ég fram eftirfarandi fyrirspurn.
Hefur kostnaðargreining á rekstri leikskólanna farið fram og ef svo er þá óskum við eftir því að hún verði yfirfarin í leikskólanefnd með það að leiðarljósi að auka gagnsæi og lýðræðisleg vinnubrögð í undanfara fjárhagsáætlunar.
Ef ekki hvers vegna ekki?"

Gunnar Einarsson, tók til máls um framkomna fyrirspurn.

Harpa Þorsteinsdóttir, tók til máls um framkomna fyrirspurn.

Sara Dögg Svanhildardóttir, tók til máls um framkomna fyrirspurn.