Fundargerð bæjarráðs frá 7/1 ´20.

Sara Dögg Svanhildardóttir ræddi 13. tl., áskorun Félags leikskólakennara og Félags stjórnenda í leikskólum varðandi bættar aðstæður og bætt starfskjör leikskólakennara og lagði fram eftirfarandi bókun:

„Garðabæjarlistinn hvetur bæjaryfirvöld til þess að rýna stöðuna og leita leiða til að jafna starfsumhverfi þvert á skólastig. Ekki síst til þess að draga úr þeirri hættu sem getur skapast á að leikskólakennarar velji starfsumhverfi grunnskólans fremur en leikskólans. Enn fremur að tillaga Garðabæjarlistans um bættan aðbúnað starfsfólks leikskóla með tilraun á styttingu vinnuvikunnar verði samhliða tekin upp til skoðunar.“

Björg Fenger, ræddi 20. tl., tillögur varðandi útfærslu verkefnisins Heilsueflandi samfélag.

Jóna Sæmundsdóttir, ræddi 18. tl., bréf Umhverfisstofnunar varðandi tillögu að friðlýsingu Búrfells, Búrfellsgjár og Selgjár og 17. tl., tilkynningu frá umhverfis- og auðlindaráðuneytinu varðandi kynningu á drögum að frumvarpi að breytingu á lögum um meðhöndlun úrgangs.

Harpa Þorsteinsdóttir, ræddi 20. tl., tillögur varðandi útfærslu verkefnisins Heilsueflandi samfélag og 13. tl., áskorun Félags leikskólakennara og Félags stjórnenda í leikskólum varðandi bættar aðstæður og bætt starfskjör leikskólakennara. Harpa lagði fram eftirfarandi fyrirspurn.

"Í ljósi umræðna í samfélaginu undanfarið er varða starfsumhverfi og rekstur leikskóla þá langar mig að ítreka þá fyrirspurn Garðabæjarlistans sem liggur fyrir í leikskólanefnd síðan í janúar 2019 varðandi að fá fram kostnaðargreiningu á rekstri leikskólans og kynningu á því þar inn. Þar að auki ætla ég að fylgja eftir þeirri beiðni að fá gagnsæja greiningu á rekstrinum út frá barngildum og vistun barna. Þá legg ég fram fyrirspurn um nýtingu á leikskólavistun barna frá 16:30-17:00 í Garðabæ."

Fundargerðin sem er 31 tl., er samþykkt samhljóða.

Afgreiðsla mála.