Nýibær 2 - skipting lóðar - Fyrirspurn til tækni- og umhverfissviðs

Lögð fram fyrirspurn ábúanda Nýjabæjar II þar sem spurt er hvort heimilað yrði að leggja fram tillögu að deiliskipulagsbreytingu sem gerir ráð fyrir lóð með byggingarreit fyrir einbýlishús innan húsagarðs Nýjabæjar II.
Skipulagsnefnd er jákvæð gagnvart hugmyndinni og vísar henni til úrvinnslu hjá tækni-og umhverfissviði og skipulagsráðgjafa. Nefndin leggur til að fyrirspurnin hljóti meðferð sem ábending við mótun tillagna á breytingum á deiliskipulagi Garðahverfis sem nú er í forkynningu.

Bókun frá Baldur Ó. Svavarssyni: Enn gerist það sem undirritaður óttaðist og varaði við þegar hið gildandi skipulag fyrir Garðahverfi var samþykkt - Stóraukin ásókn og fyrispurnir um uppskitingu lóða, um viðbótarlóðir og frávik frá skilmálum. Þeim, á bar eftir að fjölga. Fulltrúi Garðabæjarlistans í skipulagsnefnd ítrekar því enn fyrri bókanir á umliðnum tveimur tímabilum og mótmælir enn og aftur þeim áherslum og vinnubrögðum sem lögð eru til grundvallar við gerð skipulags fyrir s.k. Garðahverfi á Gaðaholti einn síðasta skikinn í bænum sem ber einhverja byggð.

Enn skal því ítrekuð sú óskað að það landrými sem lagt er undir í þessu verkefni verði verðmetið og
það mat kynnt fyrir skipulagsnefnd, þetta eru jú fjármunir bæjarbúa

Enn er ítrekað og lagt til að beðið verði með allar breytingar á fyrirliggjandi deiliskipulagi á þessu svæði þar til að skipulag fyrir svæðið í heild liggur fyrir.

Ekki þarf að fjölyrða um sögu og menningu á Garðaholti. Sú staðreynd er flestum kunn. Skilt er að huga að þessari sögu, minjum og menningarverðmætum henni tengd. Það verður þó ekki gert með því að frysta tímann á staðnum. Enn er því ítrekað og lagt til að bærinn marki sér stefnu varðandi uppbyggingu og þróun þessa bæjarhluta alls áður en hann er hlutaður niður með þessum hætti í smærri bútasaumuð verkefni og hugað verði að afleiðingum þess byggðamynsturs sem þarna verður boðið upp á.

Með sama framhaldi stendur ekki steinn yfir steini yfir þessari svokölluðu „varðveislu byggðamynsturs 20. aldar“ sem ku vera markmið gildandi deiliskipulags. Nær verði því að kalla skipulagið „varðveislu skipulagsklúðurs 21. aldar“, ef svo framheldur sem horfir.

Fulltrúi G-lista Garðbæjarlistans í skipulagsnefnd