Afgreiðsla skipulagsnefndar varðandi byggingarleyfi fyrir færanlegum kennslustofum að Spítalavegi 13.

Bæjarráð samþykkir tillögu skipulagsnefndar að veita Bak-Hjöllum ehf. leyfi fyrir staðsetningu á færanlegum kennslustofum á lóðinni við Spítalaveg 13. Deiliskipulag hefur ekki verið samþykkt fyrir svæðið en umsóknin er í samræmi við landnotkun. Skipulagsnefnd fellur frá grenndarkynningu í samræmi við 2. ml. 3. mgr. 44. gr. skipulagslaga nr. 123/2010 þar sem að framkvæmdin varðar ekki hagsmuni annarra en umsækjanda og Garðabæjar.

Bæjarráð samþykkir afgreiðslu byggingarfulltrúa að veita Bak Hjöllum ehf., kt. 480609-1150, leyfi til að staðsetja færanlegar kennslustofur á lóðinni að Spítalaveg 13.

Lögð fram umsókn um byggingarleyfi fyrir færanlegum kennslustofum 150 m2 að grunnfleti sem verða staðsettar sunnan við aðalhús barnaskóla Hjallastefnunnar að Vífilsstöðum, að Spítalavegi 13A.
Ekkert deiliskipulag er í gildi á Vífilsstöðum en aðalskipulag gerir ráð fyrir samfélagsþjónustu.
Umsókn er í samræmi við landnotkun, þéttleika og byggðarmynstur.
Skipulagsnefnd fellur frá grenndarkynningu í samræmi við 2.ml.3.mgr.44.gr.skipulagslaga nr. 123/2010 þar sem að framkvæmdin varðar ekki hagsmuni annarra en umsækjanda og Garðabæjar.
Skipulagsnefnd gerir ekki athugasemd við að byggingarleyfi verði veitt fyrir framkvæmdinni sem er í samræmi við framlögð gögn.