Fundargerð bæjarráðs frá 24/6 ´25.

Björg Fenger ræddi 15.tl. afgreiðslu skipulagsnefndar - Urriðaholt Austurhluti, deiliskipulagsbreyting, Flóttamannavegur, 16.tl. afgreiðslu skipulagsnefndar - Urriðaholt Norðurhluti 4. áfangi, deiliskipulagsbreyting, Flóttamannavegur, 17.tl. afgreiðslu skipulagsnefndar- deiliskipulag útivistarsvæðis Urriðavatnsdölum, deiliskipulagsbreytingu Flóttamannavegur og 26.tl. viljayfirlýsingu um undirbúning stofnun skóla sérhæfðan fyrir einhverf börn. Björg lagði fram eftirfarandi bókun:
"Garðabær er skólabær sem leggur áherslu á að mæta fjölbreyttum þörfum barna. Grunnskólinn á að vera lærdómssamfélag sem endurspeglar lífið í allri sinni fjölbreytni. Að mati bæjarfulltrúa Sjálfstæðisflokksins er það jákvætt skref að hefja undirbúning að stofnun sjálfstætt starfandi skóla sem sinnir sérstaklega þörfum barna með einhverfu.
Garðabær hefur á undanförnum árum lagt áherslu á fjölbreytt rekstrarform skóla, aukið val foreldra og nemenda og framsækið skólastarf. Við undirbúning þessa verkefnis verður byggt á þeirri reynslu sem þegar liggur fyrir í bænum, m.a. varðandi rekstrarform, húsnæðismál og faglegt eftirlit með skólastarfi."

Fundargerðin sem er 26.tl. er samþykkt samhljóða.