Íþróttamaður ársins og íþróttahátíð 2026

Til umræðu er fyrirkomulag íþróttahátíðar Garðabæjar vegna ársins 2026.

Farið var yfir fyrirkomulag íþróttahátíðar Garðabæjar fyrir árið 2026 en hún fer fram í Stóra salnum í Ásgarði sunnudaginn 10. janúar kl. 13:00.

Íþróttafulltrúa var falið að senda út óskir til félaga um tilnefningar til íþróttafólks ársins, árangur á stórmótum, einstaklingum sem kepptu í fyrsta skipti með U-landsliði eða A-landsliði, tilnefningar til þjálfara ársins og ábendingar um sjálfboðaliða ársins.

ÍTG mun á fundi sínum 10. desember fara yfir tilnefningar tíl íþróttafólks ársins og velja þau sem til greina munu koma í kjörinu.

Almenningi verður boðið að taka þátt í vefkosningu yfir hátíðirnar líkt og undanfarin ár. Niðurstöður úr því vali verða hafðar til hliðsjónar í endanlegu vali.