21. fundur

Skólanefnd lýsir yfir ánægju með góða niðurstöðu í Garðabæ og metnað í skólastarfi. Mikilvægt er að nýta niðurstöður til góðra verka og skólarnir hafa þegar brugðist við niðurstöðum með breyttum áherslum í starfi.

Skólanefnd samþykkir skóladagatal 2016-2017. Ekki er unnt að verða við beiðni Alþjóðaskólans um undanþágu þar sem Alþjóðaskólinn sótti einnig um undanþáu og fékk frá skóladagatali 2015-2016. Viðmiðið er að skóli geti sótt um undanþágu frá skóladagatali á tveggja ára fresti sé um fagleg rök að ræða.

Skólanefnd fagnar frumkvæði skólastjórnenda í Garðabæ að vekja athygli á brýnni þörf fyrir aukna geðheilbrigðisþjónustu barna og ungmenna.

Umsækjendur um stöðu skólastjóra við Sjálandsskóla og vinnuferli við ráðningu kynnt nefndarmönnum.