25. fundur

Lögð voru fram skóladagatöl grunnskóla í Garðabæ fyrir skólaárið 2013-2014 ásamt umsögnum skólaráða. Fram kom að skóladagatölin uppfylla kröfur laga um grunnskóla varðandi fjölda skóladaga. Skóladagatöl leikskóla og grunnskóla eru samræmd með tilliti til starfsdaga. Á vorönn verður fimm daga vetrarfrí nemenda í öllum grunnskólum í Garðabæ. Skólanefnd staðfesti framlögð skóladagatöl. Fallist var á beiðni Alþjóðaskólans um breytingu á einum starfsdegi vegna fagþjálfunar kennara. Einnig var fallist á beiðni Barnaskóla Hjallastefnunnar Garðabæ um breytingu á einum starfsdegi vegna ráðstefnu Hjallastefnunnar. Enda standi foreldrum til boða starf fyrir nemendur á þessum breyttu starfsdögum án viðbótarkostnaðar.

Lagðar voru fram greinargerðir grunnskóla um niðurstöður Samræmdra könnunarprófa 2012.

Lagðar voru fram upplýsingar úr skýrslunni Ungt fólk 201; Hagir og líðan nemenda í 8., 9. og 10 bekk í Garðabæ um einelti og tölvunotkun. Í umræðum var meðal annars fjallað um mikilvægi forvarna, fræðslu til foreldra og samstarf.

Lagt fram bréf Taflfélags Garðabæjar um breytta tilhögun á skákkennslu í grunnskólum í Garðabæ.

Lagðar fram upplýsingar um úthlutun úr Endurmenntunarsjóði grunnskóla 2013. Greint var frá samstarfi fræðsluyfirvalda innan Samtaka sveitarfélaga á höfuðborgarsvæðinu varðandi símenntun grunnskólakennara.

Lagðar fram upplýsingar um stýrðan aðgang fyrir skólanefnd að rekstrarupplýsingum og niðurstöðum samræmdra könnunarprófa í Skólavoginni.