18. fundur

Bæjarráð vísaði skýrslunni til umræðu í skólanefnd grunnskóla

Brynhildur Sigurðardóttir, aðstoðarskólastjóri Garðaskóla, kynnti lokaskýrslu verkefnisins Heimspekileg samræða í leik- og grunnskólum ásamt hugmyndum þróunarhópsins um innleiðingu heimspekilegrar samræðu sem kennsluaðferð í starfi skóla Garðabæjar í samræmi við skólastefnu Garðabæjar.

Bæjarráð vísaði bréfum mennta- og menningarmálaráðuneytisins og Rannsóknar og greiningar frá 29. ágúst og 4. september 2012 ásamt skýrslunni til kynningar í skólanefnd grunnskóla

Greint var frá útgáfu skýrslunnar Ungt fólk 2012.

Erindi verkefnastjórnar um aðgerðir gegn einelti dags. 6. september sl.varðandi Dag gegn einelti var vísað til skólanefndar grunnskóla.

Greint var frá bréfi verkefnastjórnar um aðgerðir gegn einelti sem ákveðið hefur að helga 8. nóvember ár hvert baráttunni gegn einelti.

Bréf skólastjóra Barnaskóla Hjallastefnunnar varðandi kynningu á breytingu á staðfestu skóladagatali 2012-2013

Lagt var fram bréf skólastjóra Barnaskóla Hjallastefnunnar, Vífilsstöðum um kynningu á breytingu frá staðfestu skóladagatali 2012-2013. Fram kom að breytingar á staðfestu samræmdu skóladagatali fyrir leik- og grunnskóla geti haft kostnað í för með sér fyrir einhverja foreldra. Einnig kom fram í umræðunni að öll frávik frá samræmdu skóladagatali í leik- og grunnskólum í Garðabæ eru óæskileg.

Erindi stýrihóps um útikennslumiðstöð varðandi svæði til útikennslu dags. 27. ágúst sl. var vísað til skólanefndar grunnskóla til kynningar.

Kynnt var bréf stýrihóps um útikennslumiðstöð varðandi svæði til útikennslu. Umræðum var frestað og óskað eftir að Hafdís Kristmundsdóttir, aðstoðarskólastjóri Hofsstaðaskóla kæmi á næsta fund til að kynna þróunarverkefnið um Útikennslumiðstöð leik- og grunnskóla í Garðabæ sem hlaut styrk úr Sprotasjóði .

Erindi stýrihóps um útikennslumiðstöð Garðabæjar varðandi ráðningu starfsmanns við útikennslumiðstöð dags 10. sept. sl. var vísað til kynningar í skólanefnd grunnskóla.

Kynnt var erindi stýrihóps um útikennslumiðstöð varðandi ráðningu starfsmanns við útikennslumiðstöðina. Umræðum var frestað og óskað eftir að Hafdís Kristmundsdóttir, aðstoðarskólastjóri Hofsstaðaskóla kæmi á næsta fund til að kynna þróunarverkefnið um Útikennslumiðstöð leik- og grunnskóla í Garðabæ sem hlaut styrk úr Sprotasjóði.

Lögð var fram greinargerð Gunnlaugs Sigurðssonar og Þorsteins Þorsteinssonar varðandi rekstur Fjölbrautarskólans í Garðabæ til kynningar. Ákveðið að fresta frekari umfjöllun og umræðu til næsta fundar.