18. fundur

Deildarstjóri þjónustu og starfrænnar þróunar kynnti helstu niðurstöður íbúakönnunar Gallup 2023.

Kynntar voru niðurstöður um úthlutun úr Þróunarsjóði grunnskóla Garðabæjar 2024. Alls bárust 11 umsóknir, samtals að fjárhæð 16.410.667.-. Allar umsóknir voru teknar til afgreiðslu og leggur skólanefnd til við bæjarráð að úthlutað verði 16.410.667.-, til 11 verkefna, sbr. 4. gr. reglna um þróunarsjóð grunnskóla. Stefnt er að annarri úthlutun síðar á árinu.

Sviðsstjóri fræðslu- og menningarsviðs kynnti niðurstöður R&G meðal nemenda í 5.- 7. og 8., - 10. bekkja, sem lögð var fyrir í október/nóvember 2023. Sérstök kynning var haldin mánudaginn 11. febrúar fyrir skólastjórnendur og pólitíska fulltrúa í Garðabæ. Frekari kynningar eru ráðgerðar í grunnskólum fyrir nemendur og forráðafólk.

Framkvæmdastjóri Hjallastefnunnar óskar eftir að færa einn af skipulagsdögum haustsins á skóladagatali skólaársins 2024-2025, til 11. október 2024 vegna sameiginlegs starfsdags Hjallastefnunnar. Skólanefnd bókar að Garðabær hefur samþykkt skóladagatöl tvö ár fram í tímann. Skólanefnd samþykkir erindið enda tryggi skólinn opnun frístundaheimilisins eins og tíðkast á starfsdögum. Skólanefnd gerir ráð fyrir að skipulagsdagar falli að skóladagatali Garðabæjar næstu árin.

Skólanefnd þakkar skólastjórnendum Hjallastefnunnar fyrir áhugaverða kynningu og lýsir ánægju með að kynnast skólanum og skólastarfinu með þessum hætti. Skólastjórar fór yfir nemendafjölda, mönnun aðstæður og framtíðarhorfur.