34. fundur

Starfsáætlanir grunnskóla voru lagðar fram og kynntar. Skólanefnd lýsir ánægju sinni með metnaðarfullar og vel unnar starfsáætlanir.

Rætt var um Menntadag Garðabæjar 2025 sem haldinn verður þann 7. nóvember nk. Þar verða m.a. kynnt þau verkefni sem hlotið hafa styrk úr Þróunarsjóði Garðabæjar á árunum 2022 - 2024.

Grunn- og tónlistarskólafulltrúi kynnti fjölda beiðna til sérfræðinga sem bárust skólaþjónustu grunnskóla skólaárið 2024-2025. Í allri vinnu skóla og skólaþjónustu er grunnstefið að leggja áherslu að hefja vinnu með börnum og fjölskyldum þeirra sem allra fyrst samkvæmt þrepaskiptri skólaþjónustu.

Fram kom að börnum sem vísað hefur verið áfram af fagfólki skólaþjónustu sveitarfélagsins, s.s. til Ráðgjafar- og greiningarstöðvar, Geðheilsumiðstöðvar barna og talmeinafræðinga þurfi oft að bíða mjög lengi eftir frekari þjónustu sem veitt er af ríkinu. Af því tilefni ítrekar skólanefnd mikilvægi snemmtækrar íhlutunar fagfólks á vegum ríkisins og hvetur til þess að lögð verð áhersla á að stytta biðtími barna í þau úrræði sem fagaðilar sveitarfélagsins hafa vísað börnunum til.