3. fundur

Lagt fyrir erindi frá forsvarsmanni verslunarinnar Kraum um að breyta opnunartíma safnsins. Stjórn felur forstöðumanni safnsins að ræða við hana frekar um erindið.

Forstöðumaður fór yfir stöðu safnsins og verkefni sem hlotið hafa styrki úr Safnasjóði og framvindu þeirra. Rekstrarstaða safnsins er góð og nokkrum verkefnum sem hlotið hafa styrk úr Safnasjóði fer að ljúka.

Framhald á umræðum frá síðasta fundi.

Farið var yfir gögn um gjaldskrár safna og aðgangseyri. Taka til frekari umræðu á næsta fundi í desember.

Varðar stofnun vinafélags

Forstöðumaður skýrði frá ráðgjafarvinnu sem lýtur að því að greina ýmislegt í starfsemi safnsins m.t.t. sértækrar kynningar og stofnunar vinarfélags. Stefnt að stofnun vinarfélags snemma á næsta ári.

Forstöðumaður skýrði frá því að hafa þurft að hætta við fyrirhugaða sýningu sem átti að opna í lok október á íslenskum plötualbúmum vegna veikinda sýningarstjóra.

Næsta sýning

Forstöðumaður skýrði frá næstu sýningu sem verður opnuð 19. nóvember næstkomandi. Sýningin var sett á dagskrá vegna óvæntrar niðurfellingar á sýningu á íslenskum plötuumslögum. Um er að ræða teikningar og skissur úr safneign safnsins og úr einkasöfnum. Hönnuðirnir sem eiga verk á sýningunni: Jónas Sólmundsson, Jón Kristinsson (Jóndi), Kristín Þorkelsdóttir, Stefán Jónsson, Sverrir Haraldsson, Lothar Grund.