28. fundur

Erindi Heilbrigðiseftirliti 22.04.13 um niðurstöður sýnatöku á yfirborðsvatni í Arnarneslæk. Sýnatökur voru framkvæmdar þann 16. apríl sl.

Niðurstöður mælinganna ræddar.

Hugmyndir um merkingar á aðalvegum þegar ekið/hjólað/gengið er inn í Garðabæ.

Umhverfisnefnd beinir þeirri hugmynd til bæjarráðs að efna til samkeppni um slíkar merkingar á bæjarmörkum.

Hreinsunarátak var skipulagt daganna 9. til 23. apríl, sem kynnt var í Garðapóstinum og í bæklingi inná hvert heimili í bænum.

Umhverfisstjóri sagði mjög góða þátttöku í verkefninu og sérstaklega ánægjulegt hve félög á Álftanesinu kæmu virk inn í verkefnið í fyrsta sinn. Veðrið hefur raskað tímasetningu vinnuhópa vegna tíðrar snjókomu. Verkefnið dregst eitthvað þar af leiðandi.

Fyrirhuguð er fræðsluganga upp að Vífilsstaðaseli í leiðsögn Ragnheiðar Traustadóttur fornleifafræðings.$line$Sunnudaginn 28. apríl kl. 13:00 frá Vífilsstaðavatni.

Gangan er liður í fræðslugöngum umhverfisnefndar.

Fundargerð stjórnar Reykjanesfólkvangs 13. febr. 2013 ásamt ársreikningi 2012.

Lagt fram.

Hundabann er í gildi um varptíma við Vífilsstaðavatn og Urriðavatn frá 15. apríl til 1. júlí.

Hundabannið hefur verið auglýst í Garðapóstinum og Kópavogspóstinum, ásamt skiltum sem hefur verið komið upp við vötnin.

Tveggja tunnu kerfi.

Umhverfisstjóri upplýsti að innleiðing pappírstunna er samkvæmt áætlun þ.e. kynning og merking. Afhending nýrra tunna hefur dregist frá framleiðanda.

Minnisblað frá Smára Guðmundssyni garðyrkjustjóra 22.04.13 um trjágróður á lóðamörkum lagt fram.

371 garðeigendur fengu bréf um að klippa og snyrta trjágróður á mörkum lóða sinna, þar sem trjágróður slútir út yfir stéttar og stíga og veldur óþægindum.Garðyrkjustjóri skrifaði grein um málið í Garðapósti 7. mars sl. Leiðbeiningar um klippingu trjágróðurs eru einnig á heimasíðu bæjarins.Nefndin telur mikilvægt að fylgja þessum athugasemdum eftir.

1. Náttúruleiksvæði með veðurvirkni, kennsluefni fyrir grunnskóla frá Helgu Sif Guðmundsdóttur og Kötlu Kjartansdóttur.$line$2. Fljúum hærra - Handbók leikskólakennara um fugla, eftir Gerði Gylfadóttur og Jóhönnu Torfadóttur.

Áhugaverð kennsluefni sem væri gott að kynna fyrir kennurum í Garðabæ.

Kort af fyrirhugaðri Hringsjá sem setja á upp á Smalaholti á mörkum Garðabæjar og Kópavogs, lagt fram. Umhverfisnefnd Garðabæjar og umhverfisráð Kópavogs standa að verkefninu. Hönnuður hringsjár er Jakob Hálfdánarson.

Fyrirhugað er að setja upp hringsjánna í sumar.

Umhverfisstjóri sagði frá ársfundi Náttúrufræðistofnunar Íslands, haldinn 12.04.13. og ársfundi Umhverfisstofnunar, haldinn 19.04.13

Lögð fram drög að korti yfir hjóla- og gönguleiðir í Garðabæ og á höfuðborgarsvæðinu frá Mannvit verkfræðistofu.

Kortin er fyrirhugað að setja upp á vef bæjarins.