Ná­granna­varsla

Nágrannavarsla snýst um að íbúar standi saman og hafi auga með grunsamlegum bíla- og mannaferðum. Verði íbúar varir við grunsamlegar mannaferðir er best að láta lögregluna vita með því að hringja í 112.

• Láttu nágrannana vita hvenær þú áætlar að koma til baka.
• Læstu öllum útihurðum.
• Lokaðu gluggum og svalarhurðum og kræktu aftur.
• Ekki geyma stiga eða verkfæri á lóðinni.
• Hafðu útiljós kveikt og breyttu staðsetningu þeirra með tímastilli eða appi ef hægt er.
• Ekki tilkynna um fjarveru þína frá heimili á samfélagsmiðlum.

Gott er að láta nágranna vita ef þú ferð í burtu í lengri tíma.

• Haft auga með grunsamlegum bíla- og mannaferðum.
• Fylgst með að póstur safnist ekki upp í bréfalúgu.
• Sett sorp í ruslatunnu.
• Lagt bíl í heimreið.
• Slegið blettinn að sumri eða mokað frá snjó að vetri.
• Dregið öðru hvoru frá og fyrir gluggatjöld.
• Kveikt og slökkt ljós til skiptis.

Ef þú hefur áhuga á nágrannavörslu í þinni götu eða fjölbýlishúsi getur þú talað við nágranna þína og kannað með áhuga á virkri nágrannavörslu. Garðabær hvetur til nágrannavörslu í hverfum bæjarins með því að bjóða upp á fundi með nágrannavörslu á dagskrá.

Ef áhugi er til staðar er hægt að:

• Stofna lokaða síðu á samfélagsmiðlum fyrir íbúa til að deila upplýsingum um góð ráð um nágrannavörslu.
• Halda kynningarfund með nágrönnum og velja hópstjóra. Á fundinum er hægt að fara yfir góð ráð um nágrannavörslu.  
• Hópstjóri getur haft samband við Þjónustuver Garðabæjar til að fá límmiða um nágrannavörslu sem íbúar geta sett í rúður húsa sinna.
• Hægt er að fá skilti um nágrannavörslu ef virk nágrannavarsla er í götunni.
• Hópstjóri getur reglulega minnt nágranna á mikilvægi góðrar nágrannavörslu, til dæmis með því að upplýsa nýja íbúa um nágrannavörsluna og deila ráðum í gegnum íbúasíðu á samfélagsmiðlum.