Ör­ygg­is­mynda­vélar

Alls eru um 350 öryggismyndavélar í notkun, bæði innan dyra og utan. Svæði sem eru vöktuð eru merkt með skýrum hætti.

Tilgangurinn með vöktuninni er að:

• varna því að eigur bæjarins séu skemmdar
• koma í veg fyrir að farið sé um byggingar eða aðrar eigur í leyfisleysi
• stuðla að auknu öryggi

Reglur Garðabæjar um rafræna vöktun öryggismyndavéla tryggja að rafræn vöktun sé notuð í öryggisskyni með skýrum skilyrðum um varðveislu og aðgang að upptökum.

Markmið reglnanna er að tryggja meðalhóf, virða einkalífsrétt þeirra sem sæta vöktun og ganga ekki lengra en nauðsyn ber til.

Reglurnar byggja á lögum um persónuvernd og vinnslu persónuupplýsinga og reglum um rafræna vöktun.

Reglur Garðabæjar gilda ekki um kerfi sem sett eru upp í samstarfi við lögreglu og Neyðarlínuna utan stofnana bæjarins.

Hægt er að koma athugasemdum eða ábendingum á framfæri við persónuverndarfulltrúa Garðabæjar á netfangið personuvernd@gardabaer.is eða í síma 525 8570