Hefur þú áhuga á menntun og námsárangri barnsins þíns? Opinn fundur um skólamál
Viðburðir
Miðgarður, fjölnota íþróttahús í Vetrarmýri
miðvikudagur, 7. október 2026 kl. 19:30
Garðabær býður foreldrum og forráðafólki grunnskólabarna í bænum á opinn fund um skólamál miðvikudaginn 7. október klukkan 19:30 í Miðgarði, fjölnota íþróttahúsi í Vetrarmýri á 2. hæð.
Hefur þú áhuga á menntun og námsárangri barnsins þíns?
Á fundinum verða menntamálin til umfjöllunar.
- Anna Kristín Sigurðardóttir, prófessor við Menntavísindasvið Háskóla Íslands fer yfir niðurstöður PISA 2025-könnunarinnar og fjallar um hvaða lærdóm er hægt að draga af þeim.
- Ásta Sigríður Fjeldsted forstjóri Festi heldur áhugavert erindi um nám og uppvaxtarár sem undirbúning fyrir framtíðina og atvinnulífið.
- Við rýnum í námsárangur grunnskólabarna í Garðabæ og vörpum fram hinum ýmsu spurningum um skólamál. Hvað gengur vel? Hvað mætti betur fara? Hvaða áskoranir og tækifæri blasa við okkur? Við viljum heyra frá ykkur!
Við hvetjum foreldra grunnskólabarna í Garðabæ til að láta sjá sig á fundinum, hlýða á fyrirlestra og taka þátt í samtali um menntun og framtíð barnanna okkar.