Beint í efni

Hofs­staða­skóli - end­ur­bæt­ur

Garðabær vinnur eftir ákveðnum verkferlum ef upp kemur grunur um myglu í húsnæði eða mannvirkjum sveitarfélagsins. Verkfræðistofan Cowi (áður Mannvit) er til ráðgjafar varðandi sýnatökur, úrbætur og aðgerðir.

Verkferlar vegna rakaskemmda

Ferill máls í Hofsstaðaskóla

1) Sýni tekin í Hofsstaðaskóla

Í framhaldi af ábendingum um loftgæði í Hofsstaðaskóla voru tekin sýni í byrjun nóvember 2022 og þau send í greiningu. Samkvæmt niðurstöðum þeirra fannst mygla undir gólfdúk í þremur kennslustofum. Jafnframt greindist mygla í ryki í tveimur öðrum kennslustofum og hefur öllum fimm kennslustofunum verið lokað. Svo virðist sem rekja megi mygluna til eldri rakaskemmda í skólanum sem búið var að lagfæra.

Skýrslur:

2) Staða verkefnis

Mars 2023: Alls hafa verið tekin 61 efnissýni og 52 DNA/ryksýni til að fá vísbendingar um það hvort mengun/mygla, sveppagró eða aðrar agnir frá rakaskemmdum væru í skólanum (sjá heildarúttekt ). Samkvæmt niðurstöðum greininga voru ummerki um myglu að greinast í 18 af 61 efnissýnum og í í 23 af 52 DNA/ryksýnum. Ráðist hefur verið í mótvægisaðgerðir og endurbætur og hefur skólinn þegar fengið afhentar kennslustofur og rými sem hafa verið viðgerð.

Janúar 2023: Í kjölfar heildarúttektar á ástandi skólans (sem hófst í desember 2022) og niðurstöðu úr sýnatöku var gripið til þess ráðs að loka tveimur bekkjarstofum til viðbótar, tölvustofu og bókageymslu.  

Desember 2022: Fimm kennslustofum í Hofsstaðaskóla í Garðabæ var lokað þar sem mygla greindist í þeim í kjölfar sýnatöku í nóvember 2022.  Fimm færanlegar kennslustofur voru settar upp við skólann í byrjun janúar. 

Fréttir og tengt efni

Bréf til forráðamanna í Hofsstaðaskóla

Upplýsingar um verkefnið veita: