Beint í efni

Móa­flöt - end­ur­bæt­ur

Garðabær vinnur eftir ákveðnum verkferlum ef upp kemur grunur um myglu í húsnæði eða mannvirkjum sveitarfélagsins. Verkfræðistofan Cowi (áður Mannvit) er til ráðgjafar varðandi sýnatökur, úrbætur og aðgerðir.

Verkferlar vegna rakaskemmda

Ferill máls

1) Sýni tekin á skammtímavistuninni Móaflöt

Garðabær vinnur eftir ákveðnum verkferlum ef upp kemur grunur um myglu í húsnæði eða mannvirkjum sveitarfélagsins. Þegar grunur um rakaskemmdir í húsnæði Móaflatar vaknaði, var farið í sýnatöku. 

Skýrslur:

2) Staða verkefnis

Í janúar 2022 voru tekin sýni á húsnæði skammtímavistunarinnar Móaflöt.

  • Á Móaflöt voru tekin átta sýni (þar af sex efnissýni úr veggjum eða gólfdúk og tvö DNA ryksýni).
  • Tvö þeirra gáfu til kynna talsverða mengun - þ.e.a.s. að þar sé mygluvöxtur undir gólfdúk. Um var að ræða sýni úr baðherbergi í bílskúr Móaflatar sem liggur að svefnherbergi og eitt sýni úr svefnherbergi á herbergisganginum.
  • Vegna skemmdanna reyndist nauðsynlegt að loka þessum tveimur rýmum til að hægt væri að lagfæra skemmdir, fjarlægja ónýtt byggingarefni, hreinsa og koma húsnæðinu í eðlilegt horf.
  • Það fól í sér endurbætur á herberginu og þrif á húsmunum.
  • Ekki var grunur um veikindi í hópi þeirra barna sem dvelja í Móaflöt eða á meðal starfsfólks vegna þessa. Ef grunur er um slíkt er mikilvægt að upplýsa forstöðukonuna um það við fyrsta tækifæri.

3) Næstu skref

Garðabær lokaði tímabundið skammtímavistuninni Móaflöt vegna framkvæmda sem hófust strax til að tryggja öryggi starfsfólks og barnanna.

Framkvæmdir hófust mánudaginn 27. febrúar, en þá kom í ljós nauðsyn þess að endurnýja neyslulagnir hússins. Forráðamenn voru upplýstir þann 3. mars um að loka þyrfti Móaflöt um óákveðinn tíma, að líkindum í 6-8 vikur. Unnið er að því að finna tímabundið húsnæði fyrir starfsemi Móaflatar. 

Garðabær vill leggja sig fram um að tryggja heilsusamlegt og öruggt umhverfi í sínum mannvirkjum og óskar eftir góðu samráði við forráðamenn, starfsmenn og notendur þjónustunnar. Garðabær lagði fram sérstaka áætlun um endurbætur á húsnæði sveitarfélagsins sem fylgt var eftir með fjárveitingum í fjárhagsáætlun Garðabæjar fyrir árið 2023.

Upplýsingar um verkefnið veita: