Alls bár­ust 454 til­boð í bygg­ing­ar­rétt lóða í Hnoðra­holti suð­ur

Garðabær auglýsti í október til sölu á almennum markaði byggingarrétt fyrir 26 einbýlishúsalóðir og alls 23 íbúðir í fjórum raðhúsalengjum í Hnoðraholti suður.

Auk þess var leitað eftir tilboðum frá byggingarsamvinnufélögum í byggingarrétt fyrir samtals 18 íbúðir í fimm raðhúsalengjum.

Frestur til að skila inn tilboði var kl. 12:00 föstudaginn 30. október 2026. Tilboðin voru opnuð og tekin fyrir á fundi bæjarráðs Garðabæjar kl. 08:00 þriðjudaginn 3. nóvember 2026.

Áhugi á lóðum í Hnoðraholti suður er mikill og bárust alls 454 tilboð í byggingarrétt lóðana, tilboð skiptust svona:

• 57 tilboð í raðhúsalóðir
• 394 tilboð í einbýlishúsalóðir
• 3 tilboð í raðhúsalóðir til byggingarsamvinnufélaga

Tilboðin verða skráð, flokkuð nánar og tekin til afgreiðslu og kynningar á fundi bæjarráðs þriðjudaginn 10. nóvember 2026.