Bílalaust Garðatorg á afmælishátíð
Vegna undirbúnings og framkvæmdar afmælishátíðar Garðabæjar þann 29. ágúst biðjum við eigendur bifreiða sem eru lagðar á torginu um að færa bifreiðar sínar fyrir kl. 8:00 föstudaginn 28. ágúst.
Uppfært: Áður stóð til að nýta bílakjallara Garðatorgs undir tónleikahald en sú dagskrá hefur verið færð upp á stóra sviðið.
Laugardaginn 29. ágúst verður afmælishátíð Garðabæjar haldin á Garðatorgi í tilefni af 50 ára afmæli bæjarins. Fram undan er glæsileg dagskrá fyrir alla fjölskylduna með tónlist, skemmtun, afmælisköku, andlitsmálningu, hoppuköstulum, matarvögnum og fjölbreyttum uppákomum. Hátíðarsvæðið verður opnað kl. 13:00 og setning fer fram kl. 14:00.
Vegna undirbúnings og framkvæmdar hátíðarinnar verður lokað fyrir umferð bíla upp á bílastæði Garðatorgs frá morgni föstudagsins 28. ágúst. Eigendur bifreiða sem eru lagðar á torginu eru beðnir um að færa bifreiðar sínar fyrir kl. 8:00 þann dag.
Íbúar við Garðatorg 2a og 2b munu áfram hafa aðgang að sínum bílastæðum.
Gestir hvattir til að koma gangandi, hjólandi eða nýta almenningssamgöngur
Gestir hátíðarinnar eru hvattir til að koma gangandi, hjólandi eða nýta almenningssamgöngur eftir því sem kostur er.
Á meðfylgjandi korti eru merkt nokkur nærliggjandi bílastæði sem hægt er að nýta á laugardeginum. Þar á meðal eru stæði við Ásgarð, beggja vegna Garðatorgs, við leikskólana Kirkjuból og Bæjarból og á bílastæðunum framan við húsnæði Distica, aðkoma frá Bæjarbraut.
Hlökkum til að sjá ykkur á Garðatorgi 29. ágúst. Nánari upplýsingar um dagskrána má finna hérna.