Beint í efni

Íbúa­lýð­ræði

Garðabær leggur áherslu á að veita framúrskarandi þjónustu til íbúa og liður í því er að tryggja að bæjarbúar geti með einföldum hætti komið sjónarmiðum sínum á framfæri.

Það eru mikil verðmæti fólgin í því að virkja íbúa bæjarins til þátttöku í vinnu og málefnum bæjarins og geta þeir haft áhrif með ýmsum leiðum.

Ráðhús Garðabæjar

Sveitarstjórnarkosningar

Sveitarstjórnarkosningar fara fram laugardaginn 16. maí 2026.

Sveitarstjórnarkosningar 2026

Við viljum heyra frá þér!

Markmið okkar er að allir íbúar Garðabæjar geti tekið virkan þátt.

Þú getur…

  • Sent okkur tölvupóst á gardabaer@gardabaer.is og málinu verður komið áfram á réttan stað
  • Skrifað athugasemdir við fréttir á samfélagsmiðlum Garðabæjar. Við erum á Facebook, Instagram og Tiktok. Þar getur þú líka sent okkur skilaboð.
  • Mætt á opna íbúafundi sem haldnir eru reglulega, þar geta íbúar komið sjónarmiðum sínum á framfæri
  • Sent inn hugmyndir þegar samráðsverkefni fara fram og gefið öðrum tillögum atkvæði í gegnum samráðsgátt.
  • Skrifað bréf til bæjarráðs Garðabæjar. Bæjarráð fundar á þriðjudagsmorgnum klukkan 08:00. Erindi sem eiga að fara fyrir næsta fund bæjarráðs verða að berast til okkar í síðasta lagi fyrir hádegi á föstudeginum áður. Þú getur sent bréfið í pósti eða tölvupósti.
  • Sent inn ábendingu í gegnum ábendingagátt Garðabæjar
  • Pantað viðtalstíma við bæjarstjóra í síma 525 8500 eða hitt á bæjarstjóra á opnum viðtalstímum sem boðið er upp á með reglulegu millibili.

Lýðræðisstefna Garðabæjar

Lýðræðisstefna Garðabæjar byggir á þremur meginmarkmiðum: þátttöku, þekkingu og þróun.

Endurskoðuð lýðræðisstefna Garðabæjar leit dagsins ljós í febrúar 2022 og byggir hún á þremur meginmarkmiðum: þátttöku, þekkingu og þróun. Með lýðræðisstefnu Garðabæjar eru lagðar línur fyrir farsælt samstarf til framtíðar milli kjörinna fulltrúa, stjórnsýslu og íbúa og annarra hagsmunaaðila með öflugri samráðsmenningu; rökræðum, samtali, samráði og upplýsingagjöf. Það verður gert með jákvæðni, fagmennsku og áreiðanleika í fyrirrúmi.

Hér má lesa lýðræðisstefnu Garðabæjar.

Íbúakannanir

Undanfarin ár hefur Garðabær tekið þátt í árlegri þjónustukönnun Gallup. Markmið könnunarinnar er að kanna ánægju með þjónustu í 20 stærstu sveitarfélögum landsins og gera samanburð ásamt því að skoða breytingar frá fyrri mælingum.

Niðurstöðurnar gefa dýrmæta innsýn inn í viðhorf íbúa til þjónustunnar sem bærinn veitir.

Nýjustu niðurstöður

Fyrirtækið Gallup gerði þjónustukönnun á meðal íbúa í stærstu sveitarfélögum landsins í lok árs 2025 og byrjun árs 2026 og spurði um viðhorf til þjónustu sveitarfélaga. Hér getur þú kynnt þér niðurstöðurnar.

Þjónustukönnun Gallup - niðurstöður Garðabæjar 2025

Hér má skoða niðurstöður fyrri ára

Betri Garðabær

Betri Garðabær er samráðsverkefni íbúa og stjórnsýslu um forgangsröðun og úthlutun fjármagns til smærri framkvæmda í nærumhverfi íbúa í Garðabæ. Verkefnið byggir á því að virkja almenning til þátttöku í lýðræðislegri umræðu og ákvarðanatöku.

Betri Garðabær í heild er í fjórum fösum:

  • Hugmyndasöfnun
  • Umræða um hugmyndir og úrvinnsla
  • Rafræn kosning
  • Framkvæmd verkefna

Samráðsverkefni Betri Garðabæjar eru sett á laggirnar með reglulegu millibili og þá kynnt vandlega til íbúa.