Sum­ar­nám­skeið

Venju samkvæmt er fjölbreytt og mikið úrval spennandi sumarnámskeiða í boði fyrir börn sumarið 2026 á vegum félaga í Garðabæ. Hér fyrir neðan má nálgast ýmsar upplýsingar en nánari upplýsingar um einstök námskeið og skráningu á þau er að finna á tenglum og í gegnum netföng hvers námskeiðishaldara.

Listinn er ekki tæmandi yfir námskeið í Garðabæ, en hér er að finna öll þau námskeið sem Garðabær hefur fengið upplýsingar um.

Við vekjum einnig athygli á að á upplýsingavefnum frístund www.fristund.is má sjá upplýsingar um fjölbreytt frístundastarf sem í boði er hjá félögum á höfuðborgarsvæðinu öllu.

Um námskeiðið

Aðalmarkmið námskeiðsins er að börnin skemmti sér, komist í snertingu við dýr og efli skapandi hugsun. Börnunum verður kennt að umgangast dýrin, þrífa hjá þeim, gefa þeim að borða, veita þeim ást og hlýju og þeir sem vilja, fá að fara á hestbak.

Við munum vinna með skapandi hugsun, persónulega tjáningu og ímyndunaraflið í myndlistinni. Það verða einungis 10 til 15 börn á hverju námskeiði og þeim verður skipt upp í litla tveggja til þriggja manna hópa.

Mikilvægt er að börnin klæði sig eftir veðri því við munum vera mikið úti og taki með sér hollt og gott nesti fyrir nestistímann. Í lok námskeiðsins, sem er á föstudögum, grillum við og höfum gaman.

Skráning er hafin og hægt að fá frekari upplýsingar og bóka í gegnum netfangið dyroglist@gmail.com eða í gegnum Facebook-síðu námskeiðsins, Dýr og list.

Um námskeiðið

Á námskeiðunum er lögð áhersla á að kynna íþróttina fyrir börnum í gegnum golftengda leiki og hreyfingu. Nemendum skipt í tvo aldurshópa, 6 til 9 ára og 10 til 12 ára og eftir kyni, sé þess kostur. Námskeiðum lýkur síðan með pylsuveislu og afhendingu viðurkenningarskjals frá GKG

Leiðbeinendur eru úr hópi afrekskylfinga GKG á aldrinum 16 til 21 árs, flest með verulega reynslu af námskeiðshaldi. Þess verður gætt eftir fremsta megni að hópar undir umsjón leiðbeinanda verði ekki skipaðir fleiri en átta börnum.

Umsjón með skráningum: Guðmundur Daníelsson, gummid@gkg.is eða Haukur Már Ólafssonhaukur@gkg.is

Nánari upplýsingar um golfleikjanámskeið GKG

Um námskeiðið

Starfssvæði Útilífsskóla Vífils er Garðabær, að auki verður farið í sundferðir í ýmsar sundlaugar á höfuðborgarsvæðinu.

• Námskeiðin eru ætluð börnum á aldrinum 7 til 12 ára, fædd árin 2013 til 2018.
• Námskeiðin eru frá kl. 09:15 til 16:00.
• Nauðsynlegt er að þátttakendur hafi aðgang að hjóli fyrir hjólaferðir þar sem hjólað er í dagskrá.
• Nauðsynlegt er að þátttakendur mæti klæddir eftir veðri og með nesti fyrir daginn.
• Allir þátttakendur fá sendan upplýsingapóst um tilhögun námskeiðsins og dagskrár vikunnar viku fyrir upphaf námskeiðs.

Nánari upplýsingar má finna hér: Skátafélagið Vífill | Námskeið | Abler

Um námskeiðið

Námskeiðin fara fram á svæði hestamannafélagsins Sóta á Álftanesi. Skráning og nánari upplýsingar má finna hér: https://forms.gle/TqStCHXk69CFEmpg7

Meðal námskeiða í boði eru:

• Leiklist og spuni
• Myndasögur
• Skapandi sumarfjör
• Procreate
• Skapandi sumarsöngur

Nánari upplýsingar og skráning á námskeið er hér: Klifið - Skapandi setur | Sumarnámskeið | Shop | Abler

Um námskeið

Á Söngleikjanámskeiðunum er farið í allt sem tengist því að setja upp söngleik. Við skoðum leiklistina, dansinn og sönginn af fullum krafti en kíkjum líka aðeins á búninga, förðun og allt hitt sem gerist baksviðs.

Athugið að takmarkaður fjöldi nemenda kemst á hvert námskeið og gildir reglan að fyrstur kemur fyrstur fær. Við getum ekki fjölgað nemendum á hverju námskeiði eða stækkað hópa

Nánari upplýsingar má finna hér: Leikfélagið Draumar – Söngleikjanámskeið

Leik og Sprell er söng- og leiklistarnámskeið sem ferðast vítt og breitt um landið og er opið fyrir börn og unglinga á aldrinum 6-13 ára. Allir fá tækifæri til að syngja, leika og sprella. Kenndur er grunnur í söngtækni og túlkun og farið í leiki sem ýtir undir sköpun og tjáningu. Út frá lögunum sem börnin hafa valið sér, spuna og leik búum við til sýningu sem er opin fyrir aðstandendur.

Námskeiðið verður um allt land í sumar en Leik og Sprell verður á Álftanesi 15.-20. júní kl. 13:00-16:00 og Urriðaholti 20.-24. júlí, kl. 9:00-12:00.

Nánari upplýsingar og skráning fer fram á leikogsprell.is

Um námskeið

Sumarnámskeið Listasmiðja á Álftanesi er tilvalin fyrir hressa skólakrakka sem hafa gaman af listsköpun í bland við leik og hreyfingu. Nemendur fá leiðsögn við gerð verkefna og kynningu á helstu undirstöðuatriðum í teiknun, málun og mótun. Áhersla er lögð á sköpunargleði þar sem allir njóta sinn.

Námskeiðin verða með aðsetur í Álftanesskóla. Ætlast er til að börnin komi klædd eftir veðri, með góða skapið, nesti og vatnsbrúsa í bakpokanum. Námskeiðið endar á myndlistarsýningu þar sem þátttakendur sýna afraksturinn.

Kennari á námskeiðinu er Nada Borosak, myndmenntakennari í Álftanesskóla

Námskeið stendur yfir í tvær vikur, frá mánudegi til föstudags. Kennt er frá 9-12 eða 13-16.

15. júní - 26. Júní

kl. 9-12 eða kl.13-16

Skráning fer fram í netfanginu nadabo@alftanesskoli.is

Verð fyrir 2 vikur: 26 500 (systkinaafsláttur: annað barn fær 10% afslátt).

Um námskeiðið

Hestanámskeið fyrir alla. Eingöngu 10-12 nemendur á námskeiði og skipt upp í hópa þar sem allir finna hóp við hæfi hvort sem þau eru vön eða óvön hestum. Farið er daglega á hestbak í formi reiðtúra eða reiðkennslu inni í reiðhöll ásamt stuttri fræðslu um hestinn. Mikið lagt upp úr gleði og að hafa gaman!

Skráning fer fram í gegnum netfangið reidskolinnhestalif@gmail.com

Um námskeiðið

Um námskeiðið

Skátafélagið Svanir á Álftanesi býður upp á útilífsnámskeið fyrir krakka á aldrinum 6–12 ára (fædd 2014–2020). Námskeiðin fara fram í og við skátaheimili Svana á Álftanesi á Bjarnastöðum, mánudaga til föstudaga kl. 09:00–15:00. Lögð er áhersla á útiveru, skátastarf, leiki í náttúrunni og hópefli undir leiðsögn reyndra skátaleiðtoga.

Dagsetningar:

• Vika 1: 15.–19. júní
• Vika 2: 22.–26. júní
• Vika 3: 29. júní – 3. júlí
• Vika 4: 6.–10. júlí
• Vika 5: 13.–17. júlí
• Vika 6: 27.–31. júlí

Stefnt er að því að halda námskeið eins langt fram á haustið og kostur er. Lokadagsetningar í ágúst verða kynntar síðar.

Skráningarsíðan okkar er https://www.abler.io/shop/svanir og upplýsingar eru einnig finnanlegar á heimasíðunni okkar https://svanir.is/namskeid/

Um námskeiðið

Golfklúbburinn Oddur býður upp á golfleikjanámskeið í sumar. Markmið námskeiðanna er að kynna golfíþróttina fyrir börnunum og ýta undir áhuga þeirra á því að leggja stund á þessa fjölskylduvænu íþrótt. Farið er í helstu þætti golfleiksins, allt frá púttum til upphafshögga og eru leiðbeiningar gjarnan í formi ýmiss konar golfleikja. Einnig verður lögð áhersla á að kynna helstu golfsiði og golfreglur fyrir nemendum. Mikilvægt er að á golfnámskeiðinu séu einnig fjölbreyttir leikir sem efla hreyfiþroska barnanna svo sem samhæfingu, liðleika og jafnvægi, enda eru það mikilvægir þættir í hreyfingum golfsveiflunnar. Forgangsatriði námskeiðanna eru að þau séu örugg, skemmtileg, og að börnin njóti sín og þrói jákvætt viðhorf til golfíþróttarinnar.

Skráning fer fram hér : Golfklúbburinn Oddur | Námskeið | Abler

Um námskeiðið

Skráning í skólagarða fer fram á staðnum frá 1. júní, forráðamenn eru skráðir fyrir skólagjaldinu. Eftir skráningu og val barnsins á garði, verður forráðamanni sendur greiðsluseðill fyrir skólagjaldi.

Garðarnir eru opnir á virkum dögum kl. 8:00-16:00 og er þar góð aðstaða til dvalar og leikja. Athugið að skólagarðar eru ekki daggæsla.

Aðkoma að þeim er við leikskólann Bæjarból.

Eldriborgurum býðst að leigja garð í skólagörðunum eftir 5. júní.

Um námskeiðið

Áhersla er lögð og skemmtilegar og fjölbreyttar fimleikaæfingar og leiki jafnt fyrir byrjendur og lengra komna. Iðkendum er skipt upp að einhverju leiti eftir getu þannig allir ættu að fá þjálfun við hæfi.

Ef veður er gott er farið út að gera æfingar og í leiki. Börnin þurfa að koma í fimleika-/íþróttafatnaði. Allir þurfa að muna að koma með hollt og gott nesti

Nánari upplýsingar má finna hér: https://www.abler.io/shop/Stjarnan?program=Q2x1YlNlcnZpY2U6Mjg2NTY=

Um námskeiðið

Áhersla verður lögð á grunnþætti leiksins með æfingum, þrautum og leikjum.

Námskeiðið er fyrir byrjendur og þá sem lengra eru komnir svo allir ættu af fá þjálfun við hæfi.

Stuðlað verður að því að hafa dagskránna fjölbreytta og kynna iðkendur fyrir grunnatriðum fótboltans.

Börnin þurfa að mæta á námskeiðið með íþróttafatnað með sér og klædd eftir veðri. Þau þurfa að hafa einnig að koma með hollt og gott nesti með sér til að hafa yfir daginn.

Nánari upplýsingar má finna hér: https://www.abler.io/shop/Stjarnan?program=Q2x1YlNlcnZpY2U6Mjg2MDI=

Um námskeiðið

Körfuknattleiksdeild Stjörnunnar býður uppá körfuboltaskóla í sumar. Námskeiðið verður í Ásgarði frá 9-12 á virkum dögum fyrir krakka í 1.-4.bekk (f.2016-2019).

Öflugir þjálfarar úr körfuboltadeildinni sjá um námskeiðin.
Körfuboltaskólinn er frábær viðbót fyrir áhugasama krakka en hefur líka verið frábær vettvangur fyrir krakka að taka sín fyrstu spor í íþróttinni en þjálfararnir ganga úr skugga um að allir fái verkefni við hæfi en allsstaðar er þó leikgleðin í fyrirrúmi.

Krakkarnir þurfa að koma með hollt og gott nesti með sér.

Nánari upplýsingar má finna hér: https://www.abler.io/shop/Stjarnan?program=Q2x1YlNlcnZpY2U6Mjg2MDc=

Um námskeiðið

Markmið námskeiðanna eru að kenna á skemmtilegan hátt hinu ýmsu greinar sundsins og passað að allir fá þjálfun við sína getu. Eru þjálfarar og aðstoðarmenn með ofan í lauginni til að tryggja sem mestan árangur hjá hverjum og einum.

Nánari upplýsingar og skráning er hér: Stjarnan | Sumarnámskeið | Námskeið | Abler

Um námskeiðið

Markmið námskeiðanna eru að kenna á skemmtilegan hátt hinu ýmsu greinar sundsins og passað að allir fá þjálfun við sína getu. Eru þjálfarar og aðstoðarmenn með ofan í lauginni til að tryggja sem mestan árangur hjá hverjum og einum.

Nánari upplýsingar má finna hér: Stjarnan | Sumarnámskeið | Námskeið | Abler

Um námskeiðið

Áhersla verður lögð á skemmtilega leiki og grunnæfingar fyrir byrjendur og þá sem lengra eru komnir.

Iðkendum verður skipt upp í hópa eftir aldri og hvort þeir séu byrjendur eða lengra komnir svo allir fái þjálfun við hæfi. Stuðlað verður að því að hafa dagskrána fjölbreytta og kynna iðkendur fyrir grunnatriðum handboltans.

Börnin þurfa að mæta á námskeiðið með íþróttafatnað með sér. Ef veður er gott verður farið út að gera æfingar og í leiki.

Gott er að hafa hollt og gott nesti með sér til að hafa yfir daginn.

Nánari upplýsingar má finna hér: https://www.abler.io/shop/stjarnan/sumarnamskeid?program=Q2x1YlNlcnZpY2U6Mjg1OTg=

Um námskeiðið

Áhersla er lögð á frjálsan leik og skipulagt frístundastarf ekki svo ósvipað því sem á sér stað í frístundaheimilum skólanna.

Börnin þurfa að mæta á námskeiðið með íþróttafatnað/útivistafatnað með sér. Þau þurfa að hafa einnig að koma með hollt og gott nesti með sér til að hafa yfir daginn.

Nánari upplýsingar má finna hér: https://www.abler.io/shop/stjarnan/sumarnamskeid?program=Q2x1YlNlcnZpY2U6MTYxNw==

Um námskeiðið

Áhersla er lögð á frjálsan leik og skipulagt frístundastarf ekki svo ósvipað því sem á sér stað í frístundaheimilum skólanna.

Börnin þurfa að mæta á námskeiðið með íþróttafatnað/útivistafatnað með sér. Þau þurfa að hafa einnig að koma með hollt og gott nesti með sér til að hafa yfir daginn.

Nánari upplýsingar má finna hér: https://www.abler.io/shop/stjarnan/sumarnamskeid?program=Q2x1YlNlcnZpY2U6MTg3ODg=

Um námskeiðið

Sumarhraun er þjónusta sem er í boði á sumrin fyrir börn með sérþarfir í 1. til 7. bekk í Garðabæ til að auðvelda þeim að taka þátt í sumarnámskeiðum.

Nánari upplýsingar má finna hér: Sumarhraun - Garðabær

Um námskeiðin:

Skemmtileg skáknámskeið fyrir krakka verða haldið í sumar í Miðgarði í Garðabæ fyrir börn í 1-4 bekk.

• Vika 26: 22.-26. júní - frá kl. 13 til 16. (opið fyrir börn í 1. til 4. bekk.)

• Vika 27: 29. júní-3. júlí - frá kl. 13 til 16. (opið fyrir börn í 1. til 4. bekk.)

• Vika 28: 6.-10. júlí - frá kl. 13 til 16. (Aðeins fyrir lengra komna skákkrakka, þ.e. ekki byrjendur í 3-7 bekk)

Hvert námskeið stendur í 5 daga, hálfan daginn eftir hádegi frá kl. 13 til 16.

Umsjón með námskeiðunum hefur Lenka Ptácníková. Lenka er stórmeistari kvenna í skák, margfaldur íslandsmeistari kvenna og hefur mikla reynslu af skákþjálfun barna.

Krakkarnir munu læra undirstöðuatriði í skáklistinni auk þess verður farið í leiki og margt skemmtilegt.

Nánari upplýsingar eru hér: (Abler hlekkur)

Um námskeiðið

Námskeiðin eru frá 9 júní til 14 ágúst.

Lengd námskeiða og tímasetning:
Við erum ótrúlega sveigjanleg og fólk getur valið hálfan dag eða heilan og eina viku eða fleiri. Námskeiðin eru frá 9. júní - 14. ágúst.
Hægt er að taka námskeið sem stendur frá kl. 9:00 – 12:00 eða frá kl. 13:00 – 16:00 eða allan daginn. Börnin geta þó mætt í gæslu kl. 7:45 og verið í gæslu í hádeginu og til kl. 17:15. Gæslan er án endurgjalds.

Nánari upplýsingar má finna hér: https://tfk.is/tennisskolinn-i-sumar/

Fótboltanámskeiðin verða frá kl. 9:00 – 13:00 alla virka og verður æft á fótboltavellinum og notast við vallarhúsið til að koma saman fyrir námskeið og líka til að fá sér drykkjar/matar pásur.
Námskeiðinu er skipt niður í 7 námskeið, ein vika hvert námskeið, en tekið er frí frá 15 júní – 7 ágúst þar sem reynsla fyrri ára er sú að fjöldinn yrði lítill þar sem fjöldskyldur eru í fríi þessar vikur.
Áhersla er á einstaklingsæfingar þar sem verið var að einbeita sér að tækniæfingum. Einnig farið í hina ýmsu leiki, bæði fótbolta og annað til að brjóta upp æfingarnar og svo spilað í lokin og þá skipt niður eftir aldri.
Boðið verður uppá hæfa þjálfara til að sjá um námskeiðin, einn yfirþjálfari, tveir þjálfarar, en auk þess starfsmenn sem fengin eru úr vinnuskólanum.

Körfuboltanámskeiðið er sett upp á sama hátt og í fyrra sumar og passað uppá að þær stangist ekki á við fótboltanámskeiðin né æfingar.
Boðið verður uppá þrjár æfingar í viku frá kl. 13:00-15:00

Nánari upplýsingar má finna hér: teikninámskeið Þórunnar

Þórey Mjallhvít höfundur og leikstjóri teiknimyndseríunnar Ormhildarsaga heldur spennandi og frumlegt námskeið í myndasögugerð og karakterhönnun á Bókasafni Garðabæjar daganna 15., 16., 18. og 19. júní frá kl. 9-12. Námskeiðið er ætlað börnum á aldrinum 8-12 ára. Þátttökugjald er 7.000.- krónur á hvert barn og er takmarkaður þátttökufjöldi þannig að það er um að gera að tryggja sér pláss sem fyrst.

Fyrir skráningu og frekari upplýsingar er hægt að senda tölvupóst á asbjorgbj@gardabaer.is

Þórey Mjallhvít er með BA Animation gráðu frá UWCN, Wales, MA gráðu í Ritlist og diplómu í kennslufræðum frá Háskóla Íslands. Hún hefur kennt myndlist í mörg ár og hefur gefið út myndasögur og bækur. Á námskeiðinu verður unnið með blýanta, blek, penna og vatnsliti. Þetta námskeið hentar krökkum sem að hafa gaman af sögugerð og teikningu.

Uppsetning: Starfsfólk bókasafnsins tekur vel á móti börnunum kl. 9 og bjóða uppá föndur, spil og aðra afþreyingu þangað til að Þórey byrjar smiðjuna á slaginu 10. Gott er að pakka léttu nesti og vatnsbrúsa með börnunum.

Dagskrá:

• 15. júní: Myndasögur skoðaðar, karakterhönnun skoðuð. Unnið með blekslettur og karakterar hannaðir.
• 16. júní: Tveggja blaðsíðu myndsaga um dag í lífi karaktersins sem hannaður var deginum áður.
• 18. júní: Unnið með ramma í myndasögum. Mismunandi tegundir af römmum skoðaðir. Einna blaðsíðu myndasaga með frumlegum römmum búin til.
• 19. júní: kápa teiknuð og máluð. Að lokum er saumað saman myndasöguhefti.

Stjarnan bíður uppá fjöldann allan af námskeiðum í sumar bæði á Ásgarðssvæðinu og í Urriðaholti. Hægt er að velja á milli nokkurra námskeiða fyrir hádegi flestar vikur í sumar. Þau námskeið eru frá 9-12. Til þess að tryggja það að krakkarnir geti verið á námskeiðum á vegum Stjörnunnar frá 9-15:30 er í boði að skrá sig á leikjanámskeið frá 12-15:30.

Nánari upplýsingar má finna hér https://www.abler.io/shop/stjarnan/sumarnamskeid

Námskeiðin fara fram í Ásgarði frá 29 júní til 3 júlí

Frá kl. 9-12 fyrir 6-9 ára og frá 12.30 til 15:30 fyrir 10-13 ára

5 dagar af dansi, tónlist, leikjum, útiveru, sköpun og alls konar verkefnum. Fjölbreytt og skemmtileg dagskrá þar sem markmiðið er að nemendur fái að njóta sín í hreyfingu og skapandi starfi.

Við leggjum áherslu á öruggt og uppbyggjandi umhverfi, góða samveru, vináttu og dansgleði.

Námskeiðið hentar öllum, bæði þeim sem hafa dansað áður og þeim sem vilja prófa eitthvað nýtt. Öll hjartanlega velkomin, bæði nemendur innan og utan dansskólans.

Takmarkað pláss!

Skráning og nánari upplýsingar á dansskolibb.is

Námskeiðin eru eftirfarandi:

Heimurinn heima - innanhússarkitektúr fyrir krakka!

Hvernig myndir þú hanna heimili fyrir geimfara sem á 3 kanínur og elskar að baka?!

Þátttakendur fá afhent módel af húsi sem þau hanna inn í fyrir ímyndaðan íbúa með tilliti til persónuleika hans og þarfa. Nemendur fá að spreyta sig á aðferðum í innanhússarkitektúr og húsgagnahönnun. Verkefnið miðar að því að setja sig í spor hönnuðar, virkja sköpunarkraftinn, hugsa með höndunum, sjá möguleika, kynnast skala og módelgerð.

• Dagsetningar: 23.júní - 26.júní
• Tími dags: kl 13:00-16:00
• Aldur: 9-12 ára
• Leiðbeinandi: Auður Ösp Gilsdóttir

Barbífatahönnun

Langar þig að prófa að vera fatahönnuður í fjóra daga? Á námskeiðinu læra krakkar að hanna og búa til sín eigin Barbie-föt frá grunni. Við prófum okkur áfram með snið, skraut og skemmtilegar lausnir sem gera hverja flík einstaka. Engin fyrri reynsla nauðsynleg – bara hugrekki og hugmyndaflug!

• Dagsetningar: 30.júní til 3. júlí og 4. ágúst til 7 ágúst
• Tími dags: kl 13:00-16:00
• Aldur: 9-12 ára
• Leiðbeinandi: Guðrún Sigurjónsdóttir

Nánari upplýsingar má finna hér: Hönnunarsafn Íslands | Námskeið | Abler

Skapandi og fræðandi sumarnámskeið fyrir börn á aldrinum 7–12 ára sem hafa gaman af föndri og sköpun 🎨

Námskeiðin fara fram í Bastel á Garðatorgi 1, þar sem börnin taka þátt í skipulagðri föndurvinnu undir leiðsögn leiðbeinenda. Unnið er með fjölbreyttan efnivið og mismunandi aðferðir í föndri og einfaldri sköpun.

Nánari upplýsingar og skráning fer fram hér: Sumarnámskeið 2026 – Bastel