Bókasafn Garðabæjar

Bókasafn Garðabæjar er almenningsbókasafn sem er öllum opið. Það er á tveimur stöðum í Garðabæ; aðalsafnið á Garðatorgi 7 og Álftanessafnið sem er rekið með skólasafni Álftanesskóla við Eyvindarstaðaveg.

Hlusta

Bókasafn Garðabæjar

Garðatorg 7
Sími: 591 4550
Netfang: bokasafn@gardabaer.is

Opnunartími

Virka daga: 09:00 - 19:00
Laugardaga: 11:00 - 15:00

Opið í dag frá 09:00 til 19:00

Upplýsinga- og menningarmiðstöð

Nýr vefur Bókasafns Garðabæjar er í þróun og verður opnaður síðar á árinu.

Bókasafnið er upplýsinga- og menningarmiðstöð sem veitir aðgang að ríkulegu bókaúrvali, gögnum og miðlum til fræðslu og afþreyingar. Bókasafnið býður upp á fjölbreytta og lifandi dagskrá og stendur fyrir fjölda viðburða ár hvert.

Fjölbreyttir viðburðir bókasafnsins:

Aðstaðan

Gestir safnsins hafa aðgang að bókum og öðru efni til útleigu og þráðlausu neti á báðum söfnum. Á aðalsafni hafa gestir aðgang að tölvum, prentara, ljósritun, vínylprentara, þrívíddarprentara og saumavél. Á 2. hæð safnsins er lesstofa, þar eru nokkrir lesbásar, hópvinnuborð og nóg af innstungum fyrir fartölvur. Á bókasafninu er einnig næðisklefi sem gestir geta fengið afnot af endurgjaldslaust í allt að tvær klukkustundir í senn. Þó er nauðsynlegt er að skrá sig í afgreiðslunni eða á netfangið: bokasafn@gardabaer.is.

Lifandi Bókasafn

1 / 5

Bókasafn Garðabæjar er í stöðugri þróun. Starfsfólk leggur sig fram við að bjóða upp á spennandi safnkost, faglega upplýsingaþjónustu, skemmtilega og fjölbreytta viðburðadagskrá. Ýmis gögn og hlutir eru lánaðir út af bókasafninu t.d. ýmsar tegundir af spilum, Playstation leikir og Nintendo leikir. Hægt er að fá Nintendo Switch leikjatölvu að láni á fullorðinsskírteini. Einnig eru borðspil, barnaspil, teningaspil, sígild spil, hlutverkaspil auk tímarita og bóka. Starfsfólk tekur vel á móti nýjum hugmyndum og er tilbúið að styðja við og taka þátt í alls konar verkefnum sem eiga heima á bókasafninu og samlagast gildum þess.