15. fundur

Lagðir fram aðaluppdrættir sem fylgja umsókn um byggingarleyfi fyrir breytingum á lóðinni Kauptún 6.

Skipulagsstjóri gerir ekki athugasemd við að byggingarleyfi sé veitt sem er í samræmi við framlagða aðaluppdrætti enda eru þeir í samræmi við deiliskipulag Kauptúns með síðari breytingum.

Lagðir fram uppdrættir sem fylgja umsókn um byggingarleyfi. Umsóknin felur í sér viðbyggingar á suðurhlið húss og viðbótar kjallara. Fyrirhugaðar viðbyggingar fara ekki upp fyrir hámarks nýtingarhlutfall og eru innan byggingarreits.

Fyrirhuguð klæðning mun aftur á móti fara lítillega út fyrir byggingarreit.

Skipulagsstjóri gerir ekki athugasemd við að við veitingu byggingarleyfis verði vikið frá kröfum 2. mgr. 43. gr. skipulagslaga nr. 123/2010 sbr. 3. mgr. sömu greinar hvað ofangreint atriði varðar. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lagðir fram uppdrættir sem fylgja umsókn um byggingarleyfi ásamt samþykki lóðarhafa Lindarflatar 42 og Hagaflatar 10 vegna nálægðar smáhýsis að lóðarmörkum.

Skipulagsstjóri gerir ekki athugasemd við veitingu byggingarleyfis sem er í samræmi við framlagða uppdrætti.

Lögð fram fyrirspurn sem snýr að fjölda bílastæði í kjallara við Urriðaholtsstræti 3, enn fremur er óskað eftir auknum fermetrafjölda neðanjarðar.

Skipulagsstjóri telur að ákvæði deiliskipulags um fjölda bílastæða á umræddri lóð sé lágmarkskrafa. Skipulagsstjóri gerir ekki athugasemd við að við veitingu byggingarleyfis verði vikið frá kröfum 2. mgr. 43. gr. skipulagslaga nr. 123/2010 sbr. 3. mgr. sömu greinar hvað það neðanjarðarbyggingarmagn sem kemur fram í fyrirspurn varðar. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.