3. fundur

Lögð fram umsókn um byggingarleyfi um það hvort heimilað verði að reisa sólskýli við suðurhlið íbúðarhússins. Þar sem að ekkert deiliskipulag telst í gildi í Löngumýri er umsókninni vísað til grenndarkynningar í samræmi við 44. gr. skipulagslaga nr. 123/2010. Grenndarkynna skal eigendum Löngumýrar nr. 7, 9,1 7, 21, 27 og 29.

Lögð fram tillaga að breytingu deiliskipulags sem gerir ráð fyrir að byggingarreitur neðri hæðar nái lítillega út fyrir byggingarreit.

Skipulagsstjóri metur tillöguna sem óverulega breytingu deiliskipulags Flata í samræmi við 2. mgr. 43. gr. skipulagslaga nr. 123/2010 og vísar henni til grenndarkynningar í samræmi við 44. gr. sömu laga.

Grenndarkynna skal íbúum og eigendum Markarflatar nr. 16, 20, 13 og 29 sem og Sunnuflatar 17 og 19.

Byggingarleyfisumsókn vísað til umsagnar Urriðaholts ehf og rekstrarfélags Kauptúns.

Lögð fram fyrirspurn um útfærslu skjólveggja á milli lóða raðhússins sem eru 1,5 m yfir því svæði sem þeim er ætlað að skýla en eru 2,1 metrar yfir yfirborði raðhúslóðar fyrir neðan. Skipulagsstjóri gerir ekki athugasemd við að við veitingu byggingarleyfis verið vikið frá kröfum 2. mgr. 43. gr. skipulagslaga nr. 123/2010 sbr. 3. mgr. sömu greinar hvað þetta atriði varðar vegna hæðarmunar á milli lóða. Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram fyrirspurn lóðarhafa með nýrri útfærslu. Fyrirspurn vísað til umsagnar deiliskipulagshöfundar.

Lögð fram umsókn um byggingarleyfi sem gerir ráð fyrir því að hús verði klætt að utan og fer húsið því lítillega út fyrir byggingarreit. Skipulagsstjóri gerir ekki athugasemd við að við veitingu byggingarleyfis verið vikið frá kröfum 2. mgr. 43.gr. skipulagslaga nr. 123/2010 sbr. 3. mgr. sömu greinar hvað utanhúsklæðningu varðar. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lögð fram umsókn Vegagerðarinnar um framkvæmdaleyfi fyrir rannsóknarborunum austan við Setbergshamar í tengslum við mótun tillagna að umferðarlausnum stofnbrautakerfis í kringum Kaplakrika.

Rannsóknarboranirnar miða að því að kanna aðstæður til jarðgangagerðar undir Setbergshamarinn og eru liður í valkostagreiningu vegna framkvæmdanna.

Að óbreyttu verða boraðar 2 kjarnaholur og 12 holur með loftbor.

Lögð fram teikning sem sýnir staðsetningar borhola.

Leyfi landeiganda liggur fyrir.

Skipulagsstjóri samþykkir veitingu framkvæmdaleyfis sem er í samræmi við framlögð gögn sbr. 13.gr. skipulagslaga nr.123/2010.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.