5. fundur

Lögð fram tillaga að breytingu deiliskipulags Vetrarmýrar.

Við gatnahönnun hefur komið í ljós að gera verður ýmsar minniháttar breytingar á legu, stærð og formi lóða, byggingarreita og gatna. Það hefur minniháttar áhrif á nýtingarhlutfall. Meðfylgjandi er yfirlit um breytingar á lóðum og breytast langflestar að mislitlu leyti. Byggingarmagn lóða helst óbreytt nema á lóðinni Vetrarbraut 14.

Byggingarreitur fjölnota íbúðarhúss (Miðgarðs) á lóð nr.30 stækkar til suðurs en byggingarmagn er óbreytt.

Við breytingu byggingarreits Miðgarðs færist byggingarreitur leikvangs til suðurs um 5 metra.

Við tilfærslu á byggingarreit leikvangs færast lóðarmörk til suðurs um 5 metra og minnkar því lóð nr.14 um 344 m2 og lögun og útfærsla byggingarreits breytist. Byggingarmagn lóðarinnar breytist, eykst um 216 m2 í bílakjallara og um 14 m2 ofanjarðar. Byggingarreitur mjókkar sem nemur 5 metrum en nýtingarhlutfall breytist úr 3,1 í 3,7 .

Auk þess gerir tillagan ráð fyrir breyttri röðun húsnúmera á lóðum nr.6-12, 16-18 og 24-28. Númer spennustöðva og dæluhúsa breytast.

Breytingartillagan hefur verið kynnt fyrir lóðarhafa, Arnarhvoli ehf, sem gerir ekki athugasemd við breytingarnar.

Skipulagsstjóri metur breytinguna sem óverulega breytingu deiliskipulags Vetrarmýrar í samræmi við 2.mgr.43.gr.Skipulagslaga nr.123/2010. Í Í samræmi við 2.ml.3.mgr.44.gr.sömu laga er grenndarkynning felld niður. Tillagan skoðast því samþykkt.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram tillaga að breytingu deiliskipulags Hnoðraholts norður.

Tillagan gerir ráð fyrir eftirfarandi breytingum:

Byggingarreit dælustöðvar á lóð sem merkt er við Vetrarbraut nr 2 er snúið 90° og númeri er breytt, verður Vetrarbraut nr. 38.

Skilmálar fyrir lóðina eru óbreyttir að öðru leyti.

Skipulagsstjóri metur breytinguna sem óverulega breytignu deiliskipulags Hnoðraholts norður í samræmi við 2.mgr.43.gr.Skipulagslaga nr.123/2010. Í samræmi við 2.ml.3.mgr.44.gr.sömu laga er grenndarkynning felld niður. Tillagan skoðast því samþykkt.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram fyrirspurn um gerð skjólveggja ásamt umsögn deiliskipulagshöfundar dags. 31.maí 2022.

Með vísan í umsögn er ekki hægt að fallast á útfærslu skjólveggja samkvæmt meðfylgjandi teikningu. Í umsögn kemur fram með hvað hætti megi lagfæra tillöguna svo þeir verði í samræmi við ákvæði deiliskipulags.