16. fundur

Lögð fram umsókn umhverfissviðs um framkvæmdarleyfi vegna gatnagerðar í Arnarlandi.

Gatnagerðin snýr að gatna- og stígagerð, lagningu fráveitu-, neysluvatns-, hitaveitu-, rafveitu- og fjarskiptalagna auk landmótunar í Arnarlandi. Lögð fram útboðsgögn frá VSB verkfræðistofu dags maí 2026. (Útboðsteikniningar og útboðs og samningsskilmálar)

Einnig er óskað eftir leyfi til efnisvinnslu á buðarhæfu efni og er gert ráð fyrir að verktaki geri sérstakar ráðstafanir til að draga úr hljóðmengun sem slík efnisvinnsla kann að valda, þ.m.t. með hljóðvörnum eftir því sem þörf krefur.

Staðsetning efnisvinnslu og efnishaugi kemur fram á skýringamynd.

Skipulagsstjóri samþykkir veitingu framkvæmdarleyfis fyrir ofangreindu sem eru í samræmi við framlögð gögn í samræmi við 13. gr. skipulagslaga nr. 123/2010.

Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.