47. (2195). fundur

Bæjarráð samþykkir afgreiðslu byggingarfulltrúa að veita Ásgeiri Helga Reykfjörð Gylfasyni, kt. 220182-4529, leyfi fyrir viðbyggingu við suðurhlið hússins, nýrri kjallarahæð, klæða húsið að utanverðu með dökkri álklæðningu, endurbætur og klæðningu á þakkanti ásamt innanhússbreytingum að Sunnuflöt 22.

Bæjarstjóri kynnti stöðu viðræðna við félags- og húsnæðismálaráðuneytið varðandi byggingu hjúkrunarheimilis í Vetrarmýri.

Bæjarráð felur bæjarstjóra að útfæra samkomulag við ráðuneytið um framvindu málsins.

Sviðsstjóri fræðslu- og frístundasviðs kynnti drög að úthlutunarreglum um stoðþjónustu í leikskólum.

Bæjarráð vísar reglunum til afgreiðslu bæjarstjórnar.

Skýrsla Jafnréttisstofu: Umönnunarbilið og þjónusta sveitarfélaga, lögð fram.

Bæjarráð vekur athygli á ungum aldri barna við inntöku í leikskólum Garðabæjar, þar sem svokallað umönnunarbil milli fæðingarorlofs og leikskóladvalar barna er lítið eða ekkert.

Lagður fram úrskurður Úrskurðarnefndar umhverfis- og auðlindamála í máli nr. 154/2025 varðandi kæru á ákvörðun byggingarfulltrúa frá 19. september 2025, vegna byggingar bílskúrs á lóðinni Fífumýri 15 og ákvörðun byggingarfulltrúa frá 17. september 2025 um að samþykkja breytta aðaluppdrætti fyrir bílskúrinn.

Bæjarráð vísar málinu til byggingarfulltrúa og felur honum að koma til móts við þau tilmæli sem koma fram í úrskurðinum.

Bæjarráð tekur jákvætt í erindi um að veita stuðning við að Íslandsmót í skák 2026 verði haldið í Garðabæ.

Bæjarráð vísar málinu til afgreiðslu bæjarstjóra.

Bæjarráð samþykkir fyrir sitt leyti að áramótabrenna verði á Álftanesi á gamlárskvöld enda verði öll tilskilin leyfi fyrir hendi.

Bæjarráð samþykkir fyrir sitt leyti að áramótabrenna verði við Arnarnesvog á gamlárskvöld enda verði öll tilskilin leyfi fyrir hendi.