36. (2184). fundur

Á fund bæjarráðs mættu Jón Viðar Matthíasson, slökkviliðsstjóri SHS, Birgir Finnsson varaslökkviliðsstjóri og Ingveldur Lára Þórðardóttir skrifstofustjóri og kynntu brunavarnaráætlun höfuðborgarsvæðisins. Áætlunin er sett á grundvelli laga um brunavarnir og markmið hennar er að tryggja að slökkviliðið sé þannig mannað, skipulagt, útbúið tækjum, menntað og þjálfað að það ráði við þær áhættur sem eru í sveitarfélaginu. Brunavarnaáætlunin á að stuðla að því að vernda líf og heilsu fólks, umhverfi og eignir með fullnægjandi eldvarnaeftirliti og viðbúnaði við eldsvoðum og mengunaróhöppum á landi.

Bæjarráð leggur til við bæjarstjórn að samþykkja brunavarnaráætlun fyrir starfssvæði Slökkviliðs höfuðborgarsvæðisins bs. skv. 13.gr. laga nr. 75/2005 um brunavarnir og fela Almari Guðmundssyni, bæjarstjóra, að staðfesta áætlunina fyrir hönd Garðabæjar.

Guðbjörg Linda Udengard sviðsstjóri fræðslu- og frístundasviðs og Hanna Halldóra Leifsdóttir, leikskólafulltrúi, kynntu niðurstöður skoðanakönnunar Gallup fyrir Garðabæ um leikskólamál í Garðabæ - stjórnendur/starfsfólk.

Lagt fram minnisblað sviðsstjóra fræðslu- og frístundasviðs, þróunar- og þjónustusviðs og fjármála og stjórnsýslusviðs um starfsmannakannanir í Garðabæ vegna fyrirspurnar Viðreisnar og Garðabæjarlistans um starfsmannakannanir síðustu sex ár.

Bókun Viðreisnar og Garðabæjarlistans: "Viðreisn og Garðabæjarlistinn óskuðu eftir að ræða starfsmannakannanir á þessum fundi og við þökkum sviðstjórum fyrir minnisblað um stöðu mála."

Lögð fram umsókn UMF Stjörnunnar vegna herra- og kvennakvölda Stjörnunnar, sem halda á 10. og 11. október 2025 i Miðgarði, Vetrarbraut 30. Bæjarráð gerir ekki fyrir sitt leyti athugasemdir við að umbeðið leyfi verði veitt.

Bæjarráð vísar bréfinu til úthlutunar styrkja samkvæmt fjárhagsáætlun 2025.

Lagðar fram tillögur ráðgjafanefndar Jöfnunarsjóðs sveitarfélaga um áætlaðar úthlutanir á árinu 2026.

Í áætluð framlög vegna sérþarfa fatlaðra grunnskólabarna og fjölda notenda, er ráðgert framlag til Garðabæjar kr. 126.573.873.

Í áætluð um framlög til almennra grunnskólaframlaga, er ráðgert framlag til Garðabæjar kr. 421.350.569.

Í áætluð almenn jöfnunarframlög 2026, er ráðgert framlag til Garðabæjar kr. 201.460.017.

Lagt fram bréf Slökkviliðs höfuðborgarsvæðisins varðandi fjárhagsáætlun 2026. Áætlað framlag Garðabæjar er kr. 251.736.000.

Bæjarráð vísar bréfinu til afgreiðslu fjárhagsáætlunar fyrir árið 2026.

Lagt fram bréf innviðaráðuneytisins þar sem tilkynnt er um að árlegur minningardagur Sameinuðu þjóðanna um fórnarlömb umferðarslysa verði haldinn sunnudaginn 16. nóvember 2025.

Lagt fram.