4. (974). fundur

Björg Fenger ræddi 6.tl. meðferðarheimili - lóð við Friðarvelli 1 og 10.tl. bréf Samtaka sveitarfélaga á höfuðborgarsvæðinu varðandi bókun frá 622. fundi stjórnar SSH- Brúum umönnunarbilið - Skýrsla og tillögur aðgerðarhóps. Áréttaði Björg bókun bæjarráðs um málið:

"Lögð fram skýrsla forsætisráðuneytisins vegna brúunar umönnunarbilsins milli fæðingarorlofs og leikskóla.

Bæjarráð tekur undir bókun stjórnar SSH frá fundi stjórnarinnar 2. febrúar sl. um mikilvægi þess að sveitarfélögin á höfuðborgarsvæðinu séu kölluð að borðinu við vinnuna og að tillögur skýrslunnar séu skoðaðar og ígrundaðar vel, en samkvæmt skýrslunni er mjög skammur tími ætlaður til undirbúnings og viðræðna vegna þeirra. Bæjarráð vísar málinu til skoðunar á fræðslu- og frístundasviði."

Brynja Dan Gunnarsdóttir ræddi 2.tl. vistun barna utan heimilis.

Guðlaugur Kristmundsson ræddi 1.tl. gæða kennslustundir - innleiðing gæða kennslustunda í grunnskóla í Garðabæ og 2.tl. vistun barna utan heimilis og lagði fram svohljóðandi bókun:

"Viðreisn í Garðabæ vill draga fram mikilvægi þess að bæjarráð fylgist með framkvæmd barnaverndar á þann hátt að við drögum fram mælikvarða um umfang, framfylgd og eftirlit með barnaverndarmálum. Hér þurfa mælikvarðar að vera skýrir og skiljanlegir, mæla fjölda mála, þyngd eða alvarleika þeirra en ekki síður hversu vel gengur að ná árangri þeirra. Síðast en ekki síst þurfum við að fylgjast með og fá samantekt um það hvernig eftirliti með þessum börnum er háttað.

Eftirlit með þeirri vistun er mikilvæg og við verðum að tryggja að hún sé fjármögnuð og hafi það rými að eftirlit fari fram. Ekki bara til þess að mæta lögmætu lágmarki heldur til þess að mæta þeim börnum sem við sem samfélag höfum beitt mest íþyngjandi úrræði barnaverndar. Þess vegna er það mikilvægt að eftirlitið styðji við markmið um þessar vistanir. Eftirlit þarf því hvoru tveggja að stuðla að öryggi og ásættanlegum aðbúnað barna en ekki síður að styðja og efla þá aðila sem vista eða fóstra þessi börn. Þessi stuðningur verður að vera til eflingar og mæta þörfum barnanna sjálfra og þeirra aðila sem sinna forsjárskyldum þessara barna. Öll börn sem eru vistuð utan heimilis hafa upplifað áfall og við sem samfélag höfum ákveðið með inngripi okkar að þetta áfall sé óásættanlegt og því þarf að mæta með stuðningi og skilningi."

Þá ræddi hann 6.tl. meðferðarheimili - lóð við Friðarvelli 1 og 12. tl. tilkynningu frá Sambandi íslenskra sveitarfélaga varðandi átak til hvatningar til framboða.

Þorbjörg Þorvaldsdóttir ræddi 2.tl. vistun barna utan heimilis og tók undir bókun Guðlaugs Kristmundssonar. Þá ræddi hún 10.tl. bréf Samtaka sveitarfélaga á höfuðborgarsvæðinu varðandi bókun frá 622. fundi stjórnar SSH - brúum umönnunarbilið - skýrsla og tillögur aðgerðarhóps.

Gunnar Valur Gíslason ræddi 3.tl. endurskoðun reglna um fjárhagsaðstoð í Garðabæ 2026, 6.tl. meðferðarheimili - lóð við Friðarvelli 1 og 9.tl. bréf Samtaka sveitarfélaga á höfuðborgarsvæðinu varðandi bókun frá 622. fundi stjórnar SSH - viðbragðsteymi vegna ofbeldis meðal barna.

Almar Guðmundsson ræddi 1.tl. gæða kennslustundir - innleiðing gæða kennslustunda í grunnskóla í Garðabæ, 2.tl. vistun barna utan heimilis og 10.tl. bréf Samtaka sveitarfélaga á höfuðborgarsvæðinu varðandi bókun frá 622. fundi stjórnar SSH - brúum umönnunarbilið - skýrsla og tillögur aðgerðarhóps.

Fundargerðin sem er 14.tl. er samþykkt samhljóða.

Afgreiðsla mála.

Björg Fenger ræddi 6.tl. afgreiðslu skipulagsnefndar - Gálgahraun, deiliskipulag friðlands og 7.tl. afgreiðslu skipulagsnefndar - Aðalskipulag Garðabæjar 2016-2030. Breyting 10. Stígakerfi í þéttbýli og þjónustukerfi.

Gunnar Valur Gíslason ræddi 8.tl. Lambamýri - yfirlýsing sveitarstjórnar vegna félagsmiðstöðvar fyrir eldra fólk.

Þorbjörg Þorvaldsdóttir ræddi 7.tl. afgreiðslu skipulagsnefndar - Aðalskipulag Garðabæjar 2016-2030. Breyting 10. Stígakerfi í þéttbýli og þjónustukerfi. Lagði Þorbjörg fram eftirfarandi bókun:

"Garðabæjarlistinn vekur athygli á því að stígar eru skipulagðir meðfram Hraunholtslæk neðan við Flatir og meðfram strandlengjunni á Arnarnesi. Báða stíga er einnig að finna í núgildandi skipulagi en hafa ekki komið til framkvæmda. Í nýrri aðalskipulagstillögu er gert ráð fyrir tengistíg með malbikuðu yfirborði við Hraunholtslæk, sem er vel. Á Arnarnesi hins vegar er enn gert ráð fyrir útivistarstíg, nánar tiltekið í flokki B. Samkvæmt þeirri skilgreiningu verður hann þröngur malarstígur án lýsingar. Garðabæjarlistinn vill sjá útivistarstíg af gerð A á Arnarnesi, með malbiki og lágstemmdri lýsingu. Bæjarbúar hafa lengi beðið eftir stígum á þessum stöðum og kominn tími til þess að gera þá að veruleika. Bæjarfulltrúar Viðreisnar og Framsóknar taka undir bókunina."

Almar Guðmundsson ræddi 7.tl. afgreiðslu skipulagsnefndar - Aðalskipulag Garðabæjar 2016-2030. Stígakerfi í þéttbýli og þjónustukerfi og 1.tl. Veitur - gjaldskrárbreytingar og verkefni innan Garðabæjar. Lagði Almar fram eftirfarandi bókun:

"Bæjarfulltrúar Sjálfstæðisflokksins lýsa yfir vonbrigðum yfir vinnubrögðum Veitna varðandi hækkun á fastagjaldi hitaveitu á vegum fyrirtækisins. Hækkunin og ástæða hennar var illa kynnt fyrir viðskiptavinum og gerð án samráðs við sveitarfélög sem standa utan eigendahóps félagsins. Þá gera bæjarfulltrúar Sjálfstæðisflokksins athugasemd við að undanfarin ár hafi umtalsverðar fjárhæðir verið greiddar út í arð til eiganda á sama tíma og fjárfestingarþörf félagsins hefur vaxið."

Guðlaugur Kristmundsson ræddi 1.tl. Veitur - gjaldskrárbreytingar og verkefni innan Garðabæjar.

Ingvar Arnarson ræddi 1.tl. Veitur - gjaldskrárbreytingar og verkefni innan Garðabæjar.

Gunnar Valur Gíslason tók til máls að nýju og ræddi 1.tl. Veitur - gjaldskrárbreytingar og verkefni innan Garðabæjar.

Bjarni Th. Bjarnason ræddi 1.tl. Veitur - gjaldskrárbreytingar og verkefni innan Garðabæjar.

Brynja Dan Gunnarsdóttir ræddi 7.tl. afgreiðslu skipulagsnefndar - Aðalskipulag Garðabæjar 2016-2030. Breyting 10. Stígakerfi í þéttbýli og þjónustukerfi. Tók hún undir bókun Þorbjargar Þorvaldsdóttur.

Guðlaugur Kristmundsson tók til máls að nýju og ræddi 7.tl. afgreiðslu skipulagsnefndar - Aðalskipulag Garðabæjar 2016-2030. Breyting 10. Stígakerfi í þéttbýli og þjónustukerfi. Tók hann undir bókun Þorbjargar Þorvaldsdóttur.

Þorbjörg Þorvaldsdóttir tók til máls að nýju og ræddi 1.tl. Veitur - gjaldskrárbreytingar og verkefni innan Garðabæjar.

Almar Guðmundsson tók til máls að nýju og ræddi 7.tl. afgreiðslu skipulagsnefndar - Aðalskipulag Garðabæjar 2016-2030. Breyting 10. Stígakerfi í þéttbýli og þjónustukerfi og 1.tl. Veitur - gjaldskrárbreytingar og verkefni innan Garðabæjar.

Fundargerðin sem er 13.tl. er samþykkt samhljóða.

Afgreiðsla mála.

Hrannar Bragi Eyjólfsson ræddi 1.tl. íbúakönnun - þjónustukönnun Gallup 2025, 2.tl. afreksstyrkir 2026 - fyrri úthlutun, 3.tl. nýting hvatapeninga 2025, 4.tl. aðsókn í sundlaugar 2025, 5.tl. þarfagreiningu um íþróttasvæði í og við Miðgarð og 15.-16.tl. umsóknir um ferðastyrki íþrótta- og tómstundaráðs Garðabæjar.

Lilja Lind Pálsdóttir ræddi 3.tl. nýting hvatapeninga 2025

Fundargerðin er lögð fram.

Fundargerðin er lögð fram.

Gunnar Valur Gíslason ræddi 3.tl. endurskoðun á stefnu Garðabæjar í málefnum fatlaðs fólks.

Brynja Dan Gunnarsdóttir ræddi 3.tl. endurskoðun á stefnu Garðabæjar í málefnum fatlaðs fólks. Brynja lagði fram svohljóðandi bókun:

"Framsókn fagnar að endurskoðun á þjónustu við íbúa með fatlanir eða aukna þjónustu- og stuðningsþörf sé að ljúka. Garðabær hefur aukið framlag sitt í málaflokkinn síðustu ár og er það vel. Teljum við í Framsókn mikilvægt að byggja enn frekar undir þær grunnstoðir sem eru þessum viðkvæma hópi mikilvægar.

Nauðsynlegt er að koma á forgangi fyrir ungmenni Garðabæjar á starfsbraut í þeirra hverfisskóla eða Fjölbrautarskólans í Garðabæ. Slíkur forgangur er í gildi í öðrum framhaldsskólum og því sitja ungmennin okkar í verri stöðu en önnur við útskrift úr grunnskóla og eiga í meiri hættu en fötluð ungmenni í öðrum sveitarfélögum að fá höfnun um inngöngu á slíkar brautir.

Það vekur jafnframt áhyggjur að engin séu vinnuúrræðin fyrir fötluð ungmenni innan sveitarfélagsins. Teljum við að með góðu fordæmi sveitarfélagsins sjálfs og stofnana þess mætti útvíkka samstarf um að veita ungmennum með fötlun störf í hentugu starfshlutfalli víða í sveitarfélaginu okkar. Slíkt er samfélagsleg ábyrgð sem ætti að vera einfalt og sjálfsagt að koma í verk."

Gunnar Valur Gíslason tók til máls að nýju og ræddi 3.tl. endurskoðun á stefnu Garðabæjar í málefnum fatlaðs fólks.

Almar Guðmundsson ræddi 3.tl. endurskoðun á stefnu Garðabæjar í málefnum fatlaðs fólks.

Ingvar Arnarson ræddi 3.tl. endurskoðun á stefnu Garðabæjar í málefnum fatlaðs fólks.

Fundargerðin er lögð fram.

Fundargerðin er lögð fram.

Fundargerðin er lögð fram.

Fundargerðin er lögð fram.

Fundargerðin er lögð fram.

Fundargerðin er lögð fram.

Fundargerðin er lögð fram.

Bæjarstjórn staðfestir reglur Garðabæjar um fjárhagsaðstoð, með gildistíma frá og með 10. febrúar 2026.

Bæjarstjórn samþykkir samstarfssamning milli Reykjavíkur, Kópavogs, Garðabæjar, Hafnarfjarðar, Mosfellsbæjar og Seltjarnarness um miðlægt bráða- og viðbragðsteymi vegna ofbeldis meðal barna.

Gerð er tillaga um að Guðjón Pétur Lýðsson (G) verði kjörinn aðalmaður í Íþrótta- og tómstundaráð í stað Hörpu Þorsteinsdóttur (G). Jafnframt er gerð tillaga að Þorbjörg Þorvaldsdóttir (G) verði kjörin varamaður í íþrótta- og tómstundaráð í stað Sigurðar Sveins Þórðarsonar (G).

Tillagan er samþykkt samhljóða.