3. fundur

Tekið er fyrir mál nr. 1601294 málskot í tengslum við synjun fjölskyldusviðs á umsókn um fjárhagsaðstoð. Nánar bókað í trúnaðarmálahluta fundargerðar.

Tekið er fyrir mál nr. 1602313 málskot í tengslum við synjun fjölskyldusviðs á umsókn um fjárhagsaðstoð. Nánar bókað í trúnaðarmálahluta fundargerðar.

Tekið er fyrir mál nr. 1602405 málskot í tengslum við umsókn um sérstakar húsaleigubætur. Nánar bókað í trúnaðarmálahluta fundargerðar.

Tekið er fyrir mál nr. 1602404 málskot í tengslum við umsókn um sérstakar húsaleigubætur. Nánar bókað í trúnaðarmálahluta fundargerðar.

Tekið er fyrir mál nr. 1603178 erindi frá bæjarráði Garðabæjar. Bæjarráð vísaði til umfjöllunar fjölskylduráðs bréfi skólastjórnenda í Garðabæ varðandi áskorun til stjórnvalda um bætt úrræði í geðheilbrigðisþjónustu við börn og unglinga. Fjölskylduráð ræðir bréfið og tekur undir áhyggjur skólastjórnenda í Garðabæ af ófullnægjandi aðgangi barna og unglinga að nauðsynlegri geðheilbrigðisþjónustu. Fjölskylduráð lýsir yfir ánægju sinni með þetta framtak skólastjórnenda í Garðabæ.

Tekið er fyrir mál nr. 1510223 Íbúakönnun-þjónustukönnun 2015. Fjölskylduráð fjallar um könnunina. Fram kemur að íbúar 19 sveitarfélaga á landinu voru spurðir um afstöðu þeirra til ólíkra þátta í þjónustu síns sveitarfélags. Garðabær lendir í fyrsta eða öðru sæti í níu spurningum af þrettán í könnuninni. Garðabær fær hæstu einkunn allra sveitarfélaga þegar íbúar eru spurðir hversu ánægðir þeir eru með sveitarfélagið sitt sem stað til að búa á. Helstu niðurstöður könnunarinnar hafa verið birtar á heimasíðu Garðabæjar.