10. fundur

Tekið er fyrir mál nr. 1808290 umsókn um fjárhagsaðstoð.

Fjölskylduráð fjallar um málið. Nánari bókun er í trúnaðarmálahluta fundargerðar.

Tekið er fyrir mál nr. 1807018 beiðni Barnaverndarstofu um umsögn og afstöðu fjölskylduráðs í tengslum við umsókn um leyfi til að gerast fósturforeldri. Nánar er bókað um málið í trúnaðarmálahluta fundargerðar.

Samkvæmt 9. gr. barnaverndarlaga nr. 80/2002 skulu sveitarstjórnir marka sér stefnu og vinna framkvæmdaáætlun á sviði barnaverndar fyrir hvert kjörtímabil. Fyrir fundinum liggja drög að endurskoðaðri framkvæmdaáætlun Garðabæjar fyrir kjörtímabilið 2018-2022. Fjölskylduráð fjallar um drögin og gerir athugasemdir. Málið verður tekið aftur til umfjöllunar á næsta fundi ráðsins.

Tekið er fyrir mál nr. 1808124 tillaga um félagslegt leiguhúsnæði - stefnumótunarvinna.

Fjölskylduráð fjallar um málið.

Fram kemur að í gangi er vinna við húsnæðisáætlun Garðabæjar. Hlutverk húsnæðisáætlana sveitarfélaga er að draga upp mynd af stöðu húsnæðismála í sveitarfélaginu, greina framboð og eftirspurn eftir mismunandi húsnæðisformum og gera áætlun um hvernig húsnæðisþörfinni verður mætt til skemmri og lengri tíma. Drög að húsnæðisáætlun Garðabæjar munu koma til umfjöllunar nefnda m.a. í fjölskylduráði Garðabæjar.

Félagsmálastjóri upplýsir að í gangi eru viðræður um samstarf milli sveitarfélaganna á höfuðborgarsvæðinu, Sambands íslenskra sveitarfélaga og ríkisins varðandi raunhæfar lausnir þegar leysa þarf úr bráðum húsnæðisvanda. Stjórn SSH hefur vísað erindi þess efnis til skoðunar og umsagnar hjá samráðshópi félagsmálastjóra sveitarfélaganna.

Málinu er vísað til frekari umræðu í fjölskylduráði í tengslum við gerð húsnæðisáætlunar.