11. fundur

Mál barns lagt fyrir fjölskylduráð vegna vistunar utan heimilis.

Mál 1508464, varanleg fósturvistun barns utan heimilis, lagt fyrir fjölskylduráð. Úrskurðað að vista barn utan heimilis tímabundið. Nánar er bókað um málið í trúnaðarmálahluta fundarins.

Beiðni um afléttingu nafnleyndar í barnaverndarmáli, skv. 19.gr. barnaverndarlaga 80/2002.

Tekið fyrir mál nr. 2003150, beiðni um afléttingu nafnleyndar. Beiðni synjað. Nánar er bókað um málið í trúnaðarmálahluta fundarins.

Lagt er fyrir mál nr. 2011089, umsókn um námsstyrk.

Tekið er fyrir mál nr. 2011089, umsókn um námsstyrk. Fjölskylduráð fjallar um málið og bókar nánar um það í trúnaðarmálahluta fundargerðar. Umsókn um námsstyrk er samþykkt.

Lagt er fyrir mál nr. 2011157, umsókn um námsstyrk.

Tekið er fyrir mál nr. 2011157, umsókn um námsstyrk. Fjölskylduráð fjallar um málið og bókar nánar um það í trúnaðarmálahluta fundargerðar. Umsókn um námsstyrk er samþykkt.

Lagðar eru fyrir fjölskylduráð til kynningar Reglur Garðabæjar um úthlutun sérstakra íþrótta- og tómstundastyrkja fyrir börn á tekjulágum heimilum skólaárið 2020-2021.

Stjórnvöld samþykktu fyrr á árinu frumvarp til fjáraukalaga sem m.a. fól í sér að verja 600 mkr. í styrki til tekjulágra heimila þannig að öll börn geti óháð efnahag stundað íþróttir og aðrar tómstundir. Samþykktin er hluti af umfangsmiklum aðgerðum og viðbrögðum stjórnvalda til að mæta efnahagslegum afleiðingum af völdum COVID-19 heimsfaraldursins. Í samþykktinni kemur fram að gert sé ráð fyrir að framkvæmdin verði á hendi sveitarfélaga og að samráð skuli haft við fulltrúafélagsþjónustu, íþróttafélaga og aðra þá aðila sem málið varðar um ráðstöfun fjármagnsins.

Fram hafa komið ólík sjónarmið um framkvæmd úthlutunar fjármagnsins. Til að gæta jafnræðis gagnvart fjölskyldum telur félagsmálaráðuneytið mikilvægt að settar verði reglur um framkvæmd úthlutunar.

Reglur þessar eru gerðar með hliðsjón af fyrirmynd sem ráðuneytið sendi sveitarfélögum, með nokkrum breytingum, einkum er varðar 4. gr. reglnanna um málsmeðferð. Umsókn er afgreidd á bæjarskrifstofum Garðabæjar. Ef umsókn er hafnað hefur umsækjandi rétt á að fara fram á að fjölskylduráð Garðabæjar fjalli um umsóknina. Fjölskylduráð skal fjalla um umsókn og taka ákvörðun svo fljótt sem unnt er. Ákvörðun fjölskylduráðs er hægt að skjóta til úrskurðarnefndar velferðarmála.

Reglurnar voru lagðar fyrir bæjarráð 17. nóvember sem samþykkti þær og tóku þær þegar gildi.

Tekið fyrir mál nr. 2009193. Fyrir fundinum liggja reglur Garðabæjar um úthlutun sérstakra íþrótta- og tómstundastyrkja fyrir börn á tekjulágum heimilum skólaárið 2020-2021 sem bæjarráð samþykkti á fundi sínum 17. nóvember 2020. Fjölskylduráð fjallar um reglurnar og mun fjalla um þau ágreiningsmál sem lögð eru fyrir ráðið í samræmi við 4. gr. reglnanna um málsmeðferð.

Lagt er fram til kynningar skýrslur Rannsókna & greininga á högum ungmenna í 8.-10. bekk í Garðabæ.

Tekið er fyrir mál nr. 1903268, skýrslur Rannsókna & greininga á högum ungmenna í 8.-10. bekk í Garðabæ og aðrar tölulegar upplýsingar er varða velferð barna og fjölskyldna. Fjallað var um málið og helstu upplýsingar.

Fylgiskjöl

• Álftanesskóli 2020
• Garðabær 2020.pdf
• Garðaskóli 2020
• Sjálandsskóli 2020.pdf