19. fundur

Farið yfir umsóknir í Þróunarsjóð leikskóla. Að þessu sinni bárust 9 umsóknir frá 5 leikskólum og sótt var um samtals fyrir 8.435.000.

Umsókn í Þróunarsjóð frá leikskólanum Hæðarbóli. Anna Svanborg Kristlaugsdóttir aðstoðarleikskólastjóri kynnti Leggjum við hlustir, börn hafa rödd.

Umsókn í Þróunarsjóð frá leikskólanum Kirkjubóli. Ragnheiður A Haraldsdóttir leikskólastjóri kynnti verkefnið Leið til sjálfstæðis, matstofan í Kirkjubóli.

Umsókn í Þróunarsjóð frá 5 ára deild Sjálandsskóla. Elín Ósk Þorsteinsdóttir leikskólastjóri kynnti verkefnið Sjö venjur kátra krakka.

Umsókn í Þróunarsjóð frá 5 ára deild Sjálandsskóla. Elín Ósk Þorsteinsdóttir leikskólastjóri kynnti verkefnið Brú á milli leikskóla og grunnskóla - Börn í samvinnu.

Umsókn í Þróunarsjóð frá Urriðaholtsskóla. Þorgerður Anna Arnardóttir skólastjóri kynnti verkefnið Drullueldhús.

Umsókn í Þróunarsjóð frá Urriðaholtsskóla. Þorgerður Anna Arnardóttir skólastjóri kynnti verkefnið Öll börn eru okkar börn.

Umsókn í Þróunarsjóð frá leikskólanum Lundabóli. Björg Helga Geirsdóttir leikskólastjóri kynnti verkefnið Babblar persónur - máltaka yngstu barnanna.

Umsókn í Þróunarsjóð frá leikskólanum Lundabóli. Björg Helga Geirsdóttir leikskólastjóri kynnti verkefnið Að efla orðaforða og hugtök í gegnum leik.

Umsókn í Þróunarsjóð frá leikskólanum Lundabóli. Björg Helga Geirsdóttir leikskólastjóri kynnti verkefnið Leikur að læra.

Sviðsstjóri fræðslu- og menningarsviðs gerði grein fyrir minnisblaði um stöðu innritunar í leikskólum Garðabæjar, dags. 30. apríl 2024.

Fram kom að með tilkomu Urriðabóls við Holtsveg og fjölgun í Urriðaholtsskóla eru leikskólapláss í Garðabæ orðin 1520.

Þá kom fram að þrír innritunarfundir hafi verið haldnir í apríl, þar sem alls voru innrituð 297 börn með nýjar umsóknir. Einnig voru afgreiddar 240 beiðnir foreldra um flutning á börnum á milli leikskóla í sveitarfélaginu. Öllum börnum á biðlista sem fædd eru í júlí 2023 eða eldri, var boðin leikskólavist.

Í næstu úthlutun munu leikskólar bjóða börnum fæddum í ágúst 2023 og fyrr leikskólapláss og í ágúst munu leikskólar bjóða börnum af biðlista í þau pláss sem þá standa til boða m.t.t. mönnunar.