4. fundur

Þessi dagskrárliður frestast til næsta fundar leikskólanefndar.

Leikskólafulltrúi kynnti stöðu innritunar í leikskólum Garðabæjar. Öll börn sem fædd eru í nóvember og desember 2025 eru komin með boð um leikskóladvöl þegar þau ná eins árs aldri. Einnig verður hægt að bjóða stórum hluta barna sem fædd eru í janúar 2026 leikskólapláss. Leikskólanefnd lýsir yfir ánægju með stöðu innritunarmála.

Rætt var um Menntadag Garðabæjar 2026 sem haldinn verður þann 30. október nk. Kynnt voru drög að dagskrá þar sem megin áhersla er á tengsl barna og skóla. Einnig verða kynnt þau verkefni sem hlotið hafa styrk úr Þróunarsjóðum Garðabæjar á árunum 2023-2026.

Kynnt voru drög að dagskrá Forvarnarviku Garðabæjar sem haldin verður 4.-11. nóvember nk. Allir leik- og grunnskólar bæjarins verða með dagskrá á sínum starfsstöðum auk þess sem haldinn verður fræðslufundur fyrir foreldra um mikilvægi tengsla foreldra, barna og skóla.

Leikskólafulltrúi kynnti frumvarp til laga um breytingu á lögum um leikskóla. Markmið breytinganna er að gefa sveitarfélögum auknar heimildir til að forgangsraða innritun með hliðsjón af fjölskylduaðstæðum.