35. fundur

Kristín Theodóra Þórarinsdóttir talmeinafræðingur og Margret Björk Björgvinsdóttir sérkennslufulltrúi kynntu hlutverk, verkefni og tölulegar upplýsingar frá sérfræðiþjónustu skólaþjónustu Garðabæjar.

Bjarndís Fjóla Jónsdóttir verkefnastjóri í kennslu- og upplýsingatækni kynnti gervigreindarstefnu Garðabæjar. Einnig sagði hún frá áhugaverðu tilraunaverkefni í leikskólanum Hæðarbóli þar sem elstu börnin eru markvisst að læra upplýsingatækni.

Ólöf Breiðfjörð menningarfulltrúi Garðabæjar kynnti menningardagskrá fyrir leikskólahópa. Auk hefðbundinna verkefna kynnti Ólöf spennandi nýjungar sem eru á dagskrá í upphafi nýs árs, Söngvavor og móttöku á Hönnunarsafni Íslands.

Leikskólanefnd samþykkti færslu á skipulagsdegi fyrir leikskólann Lundaból.

Margrét Bjarnadóttir formaður leikskólanefndar fór yfir dagskrá Menntadags Garðabæjar og kynnti þau verkefni sem fengu viðurkenningu.