40. fundur

Hanna H Leifsdóttir leikskólafulltrúi gerði grein fyrir stöðu innritunar barna í leikskóla fyrir haustið 2026.

Innritun hefur gengið mjög vel og búið er að bjóða öllum börnum sem fædd eru í september 2025 leikskólapláss. Vonir standa til að einnig verði hægt að úthluta börnum sem fædd eru í október 2025 leikskólapláss.

Úthlutað var úr Þróunarsjóði leikskóla fyrir skólaárið 2026-2027. Leikskólanefnd leggur til við bæjarráð að samtals 9.000.000 króna verði úthlutað úr sjóðnum, í samræmi við reglur hans. Alls bárust átta styrkumsóknir og var sótt um styrk fyrir samtals 12.747.000 krónur. Umsækjendur komu á fund nefndarinnar og kynntu verkefni sín. Allar umsóknir voru teknar til afgreiðslu og fengu sjö verkefni styrk. Nefndin þakkar fyrir fjölbreyttar og áhugaverðar umsóknir sem endurspegla framsýni og metnað í leikskólastarfi Garðabæjar.