Meet in Reykjavík - kynning á samtökunum

Erindi Ráðstefnuborgarinnar Reykjavík dagsett 6. júlí 2012 var tekið fyrir í bæjarráði 17. júlí og vísað til kynningar í menningar- og safnanefnd.

Áslaug Hulda Jónsdóttir kynnti erindi frá Meet in Reykjavík/Ráðstefnuborginni Reykjavík um markaðsátak í ráðstefnu- og hvataferðum á höfuðborgarsvæðinu. Markaðssvæðið er enn stærra ef taldar eru með styttri dagleiðir út frá höfuðborgarsvæðinu. Sigurjóna Sverrisdóttir sagði nánar frá starfi samtakanna og tilurð þeirra. Reykjavíkurborg, Harpa og Icelandair group eru upphafsaðilar verkefnisins og fyrirtækjum, sveitarfélögum og stofnunum er boðið að vera með í markaðssamstarfinu sem verður farið í markvisst á næstu tveimur árum. Greint var frá þeim verðmætum sem fólgin eru í að fjölga ferðamönnum sem sækja ráðstefnur til Íslands.