Fundur með barnaverndarnefnd

Barnaverndarstofa hefur ákveðið að funda með öllum barnaverndarnefndum landsins í því skyni að leggja mat á starfsskilyrði, verkefni og úrræði nefndanna, en það er í samræmi við framkvæmdaáætlun ríkisins í barnavernd fram til næstu sveitarstjórnarkosninga árið 2014. Barnaverndarstofa kom á fund fjölskylduráðs Garðabæjar 12.12.2013. Á fundinum var farið almennt yfir stöðu mála í Garðabæ og þær aðstæður sem starfsfólk barnaverndarnefndar glímir við í daglegum störfum sínum. Fundurinn var góður og eru Barnaverndarstofu færðar þakkir fyrir.