Skipan talsmanns fyrir börn í barnaverndarmálum

Tekið er fyrir og rætt mál nr. 1605096 erindi Barnaverndarstofu varðandi skipan talsmanns fyrir börn í barnaverndarmálum. Með bréfi sínu dags. 3. maí 2016 vekur Barnaverndarstofa athygli barnaverndarnefnda á erindi umboðsmanns barna til félags- og húsnæðismálaráðherra dags. 29. apríl 2016 varðandi skipan talsmanna í barnaverndarmálum. Í bréfinu er lýst áhyggjum af því að börnum sé sjaldan skipaður talsmaður. Brýnt er fyrir nefndunum að tryggja það að í barnaverndarmálum fari fram eiginlegt mat á því hvort skipa skuli börnum talsmann.