Vesturtún 28 - breyting á bílskúr

Lögð fram fyrirspurn um breytingu á raðhúsinu Vesturtún 28 sem gerir ráð fyrir því að bifreiðargeymslu verði breytt í íbúðarrými.
Í gildi er deiliskipulag Vesturtúns en þar segir í grein 2.6. í skipulasskilmálum að heimilt sé að gera bílageymslur fyrir allt að 2 bíla á lóðum einbýlis-, par- og raðhúsa. Því fylgir þar að leiðandi engin kvöð um gerð bifreiðargeymslu og breytingin myndi ekki ganga gegn ákvæðum deiliskipulags. Hinsvegar þarf samþykki annarra eigenda í raðhúslengunni að liggja fyrir þar sem um útlitsbreytingu er að ræða sbr. ákvæði fjöleignahúslaga.
Um ákvörðun skipulagsstjóra vísast til viðauka II við samþykkt bæjarstjórnar Garðabæjar nr.20/2017.