Þjónustusamningur Áss styrktarfélags og Garðabæjar - kostnaðarútreikningur.

Bæjarráð samþykkir kostnaðarútreikning vegna samnings við Styrktarfélagið Ás um rekstur þjónustu búsetukjarna við Unnargrund. Samkvæmt kostnaðarútreikningi er gert ráð fyrir að kostnaður á ársgrundvelli verði kr. 126.296.845 og er þá miðað við eina næturvakt.

Sara Dögg Svanhildardóttir leggur fram eftirfarandi fyrirspurn.

"Það vekur furðu að drög að samningi við ÁS styrktarfélag sem samþykkt voru í bæjarráði 30. apríl síðastliðinn að bera undir bæjarstjórn sé ekki enn frágenginn. Þrátt fyrir að búið sé að gefa tilvonandi íbúum fyrirheit um að flutningar verði í ágústmánuði.

Ekki vekur það síður furðu að tilvonandi íbúar fái fregnir af seinkun um flutning með eins stuttum fyrirvara og raun ber vitni eða rétt um viku fyrir mánaðarmót. Hér er um einn viðkvæmasta hóp einstaklinga að ræða og verulegar breytingar á aðstæðum þessara einstaklinga og því gríðarlega mikilvægt að vanda til verka og lágmarka alla óvissu í slíku ferli.

Því legg ég fram eftirfarandi fyrirspurn:

Hvaða forsendur lágu fyrir þegar tilvonandi íbúum var tilkynnt að miðað væri við flutning í ágúst? Og hvað hefur breyst?"

Bæjarráð felur bæjarstjóra að svara fyrirspurninni.

Bæjarstjórn samþykkir þjónustusamning við Ás styrktarfélag um sérstök búsetuúrræði.

Fundargerðin sem er 36 tl. er samþykkt samhljóða.

Bæjarráð samþykkir að leggja til við bæjarstjórn að samþykkja samninginn.