Tillaga Garðabæjarlistans um gagnsærri stjórnsýslu.

Bæjarráð samþykkir að fela bæjarstjóra að semja drög að meginreglum um málsmeðferð við afgreiðslu á fyrirspurnum og afhendingu gagna til bæjarfulltrúa. Í reglunum skal kveðið á um fresti til að svara fyrirspurnum og afhenda gögn og í þeim tilvikum sem ekki tekst að svara innan frestsins skal fyrirspyrjanda gerð grein seinkun á svari og hvenær svars er að vænta.

Fylgiskjöl

• Tillaga um gagnsærri stjórnsýslu..doc

Sara Dögg Svanhildardóttir, kvaddi sér hljóðs og lagði fram eftirfarandi tillögu.

"Garðabæjarlistinn leggur fram tillögu þess efnis að unnið verði skýrt verklag um þann tímaramma sem stjórnsýslunni er gefinn til þess að veita upplýsingar um fyrirspurnir kjörinna fulltrúa er varða starfsemi sveitarfélagsins. Þannig að hámarks afgreiðslufrestur verði ákvarðaður."

Greinargerð.
Til þess að styðja við gagnsæi og fagleg vinnubrögð stjórnsýslunnar skiptir máli að verkferlar liggi fyrir um sem flesta þætti stjórnsýslunnar. Það skiptir máli að aðgengi að upplýsingum sé gott og skilvirkni í að veita upplýsingar við fyrirspurnum sé skýr þegar kemur að tímaramma um skil á þeim gögnum sem óskað er eftir. Tillagan er lögð fram þar sem mikill mismunur er á veittum svörum við formlegum fyrirspurnum og því ekki skýrt hvaða viðmið er við skil á upplýsingum sem óskað er eftir.

Gunnar Einarsson tók til máls um framlagða tillögu og lagði til að henni verði vísað til bæjarráðs.

Sara Dögg Svanhildardóttir, tók til máls að nýju um framlagða tillögu.

Bæjarstjórn samþykkir að vísa tillögunni til bæjarráðs.